阿媽唔信我去亞馬遜｜Nicole人體彩繪遭受傷病JB秒速被偷波連環撻低賴地跣

洪永城原來係團隊御用攝影師？

今晚（16 日）一集，Nicole 將為藝術「犧牲」搞到周身傷，事緣製作組請來藝術家及生物學家 Uyra、為 Nicole 作藝術彩繪；Uyra 短短一小時已將 Nicole 化妝成巴西家傳戶曉植

物彩葉芋（Taja），難得「改頭換面」，Nicole 秒速拉著團隊「御用攝影師」Tony 狂影靚相，Tony 更踢爆 Nicole 為了是次壯舉，事前瘋狂人肉搜尋 Uyra。Nicole 之後受訪時透

露，由於當日面上塗了不少天然顏料，以致面部活動受阻，並謂影靚相呃 Like 期間皮膚當災︰「去到草叢入面影相，因為啲雜草好多荊棘，影嗰時條頸、背脊同埋手臂都有覺得痛，返到去先發現原來成身都係𠝹痕。」根據官方發布照片，Nicole 前臂是重傷區，肚仔亦有多處𠝹痕，幸好傷勢輕微。Nicole 續指已忘記不少拍攝細節，皆因搭飛機期間已開始作病︰「所以一落機發生嘅所有嘢都好似夢遊咁，第一日開工因為食藥直情似發緊夢。（病咗幾耐？）足足一個禮拜。」

白飯魚 JB 不敵赤腳仔仔？

至於現年 23 歲的 JB，原來除了是學霸，還是足球小子。5 歲開始接觸足球的 JB，曾擔任過校隊隊長、亦參加過區隊。他笑言足球方面最大成就，是被某人錄下球王英姿放上網︰「有條喺禁區頂，射入咗一球靚嘅遠射，唔知點解畀人錄咗擺上 YouTube，都叫做有條『球王』片。」熱愛足球的 JB 是次踏足巴西，除了參觀當地球賽，還落場跟當地球迷切磋球技，為此 JB 除着上愛隊曼聯球衣外，還穿上香港名物「白飯魚」應戰，可惜落場不到 10 秒即跣低輸頭威。之後 JB 跟巴西赤腳仔仔 one-on-one 對戰，並使出「施丹轉身」及「告魯夫轉身」兩大秘技，可惜還是不敵赤腳仔仔，秒速被偷波兼再度跣低。JB事後受訪時坦承技不如人︰「我對白飯魚被當地着住人字拖嘅𡃁仔輕鬆 KO（註：𡃁仔落場連人字拖也脫掉變成赤腳），搞到我真係食晒泥。冇辦法佢哋太勁，不過可以喺足球聖地（巴西）同當地人踢波，真係好感動。」JB 續指對於能見識當地人對足球的狂熱感到不枉此行，他舉例普通一場街場賽事，都能吸引過百人圍觀，而每次入球或者射失波時，現場亦必有歡呼或者喝倒彩聲。