破毒強人｜林溥來胡定欣黑吃黑為劇獻初吻引爆網絡熱話今晚要跪玻璃
由羅永賢（Marco）監製、黃偉強編審的《大班冰皮月餅呈獻：破毒強人》，逢周一至五晚八點半翡翠台播映，主要演員包括陳豪、胡定欣、蕭正楠、張曦雯、何廣沛、張寶兒、蔣志光、朱智賢、郭柏妍及馬貫東等。昨晚（14 日）一集，文華（陳豪飾）、章琳（胡定欣飾）及徐安樂（何廣沛飾）正式進行首個網上地下毒品拍賣，底價高達 1,500 萬美元，每次叫價則為 100 萬美元，最終三人以 2,400 萬美元完成首次交易，為了避開警方搜查，三人與買家除了透過股票買賣進行現金交易，獲安排做物流公司老闆的安樂則負責調配船期免惹懷疑。另邊廂捲入謀殺案兼隨時獲判終身監禁的福田（蔣志光飾），誓要向二五仔報仇，矛頭直指杜飛（馬貫東飾），並利誘老鬼（李家鼎飾）及黑仔（彭懷安飾）幫忙殺死杜飛…
昨晚最搶角色為林溥來（Patrick Sir）飾演的 Cyrus 及性感上陣的胡美貽
（Nicole）。與章琳同樣為賺錢上位不擇手段的 Cyrus，以徐安樂作籌碼、逼令章琳給予 500 萬揞口費，但章琳亦非省油的燈，竟引誘 Cyrus 參加毒品派對，並趁Cyrus 沉迷美色之際，逼令其吞下毒品令其失去意識，及後再企圖活埋 Cyrus 殺人滅口。談到落坑戲，Patrick Sir 坦言很難忘：「拍嗰陣係冬天，好凍！我要著住恤衫瞓喺泥地度，真係超凍，我一路喺個坑度等、對手又被綁住唔郁得喎。埋我嗰個係阿 Mo（陳豪），佢同工作人員都好好，有成日留意問吓我凍唔凍。」對於不少網民估 Cyrus 今晚「死硬」，Patrick Sir 大賣關子謂：「冇咁易估到。」
埋位前著對手 Nicole 唔好客氣
平時演開醫生和律師等專業人士的 Patrick Sir，是次演出獲網民笑指「愈來愈曳」及「奸得自然好睇」；Patrick Sir 透露是首次挑戰如此爛的角色，並付出不少第一次，包括獻出螢幕初吻：「拍之前我有同老婆備案，佢都冇乜大反應，反而仲問我準備成點，可能佢都係演員，所以好明白。」除了螢幕初吻，Patrick Sir與 Nicole 的埋身肉搏戲亦相當震撼眼球，Nicole 除扭六壬色誘 Patrick Sir，兩人
最終更扭作一團，場口引來網民熱熾討論，並笑言 Patrick Sir 肯定要跪玻璃。問到 Patrick Sir 拍攝時有否尷尬，他笑言沒有，並謂事前與 Nicole 唯一溝通，是著對方放膽去做：「我主要係保持番口腔嘅清新同清潔，同埋叫佢唔好客氣，你總
之一嘢就嘴埋嚟啦。」Patrick Sir 續說：「好多謝監製 Marco 對我有信心，搵我做咁大落差嘅角色，我好享受。」Patrick Sir 又感激定欣幫忙帶入戲：「定欣成日畀意見我，我冇佢咁好經驗，有時我排戲時練稿，佢會畀真反應我；加上定欣氣場好，會自動牽引到令我入戲，真係會成日睇佢唔順眼架。」
