逆天奇案2｜79歲尹光背對白如唱歌 劉家豪力邀加盟無綫
由劉家豪總監製、陳志江監製、岑國榮、孫浩浩擔任編審的《逆天奇案 2》，逢周一至周五晚八點半翡翠台播映。昨晚（12 日）一集，最大焦點絕對是首度拍攝無綫劇的「光 B」尹光！
劇情講述地產發展商欲收購河埔村用地作發展用途，整條村獨欠頑固老人昌伯（尹光飾）不肯賣地，令剛升任村長的啟熙（謝東閔飾）非常頭痕，多次苦勸昌伯都食白果；一日，被灌醉的啟熙再去昌伯家進行遊說，遭激動的昌伯拎起拐杖狂打，啟熙一時情急將昌伯推倒，翌日傳出昌伯死訊，啟熙因此被控誤殺，啟熙的懷孕太太恩（菊梓喬 Hana 飾）頓失依靠，並請求 Hazel（蔣祖曼飾）幫助。事件後來出現反轉，森 Sir 接手調查後，發現是黑幫為了逼昌伯搬走，出招令昌伯的家斷水、斷電兼 cut 埋電話線，昌伯最終死因是家中平安鐘失靈以致失救致死 ！
光 B 現身《逆天 2》令網友大感驚喜，現年 79 歲的光 B 將角色頑固特質演繹到位，講對白時中氣十足兼相當流利。《逆天 2》是光 B 首次拍攝的無綫劇集，問到為何願意接受挑戰？光 B 受訪笑言：「係監製家豪哥邀請嘅，佢叫到咪試吓囉。」問到拍攝難忘事？他笑說：「因為今次入咗新界嘅村屋拍攝，嗰度又多樹，當日又咁啱落雨，好多蚊蟲，咬到周身都係！」光 B 坦言覺得拍劇挺好玩，事前自己亦做足準備功夫：「收到劇本後，你要背熟晒入面嘅內容，同埋要揣摩個角色，咁先為之一個好嘅演員。背對白都幾難，但要將勤補拙，讀多啲背熟啲，當係歌詞咁背囉。」會否戲癮大發想再拍劇？光 B 說：「最緊要睇角色適唔適合自己，如果適合我都會玩落去，因為我鍾意向難度挑戰。」
官方釋出相關拍攝花絮，光 B 與 Hana 和謝東閔有不少對手戲，三人亦合作得相當愉快，光 B 未埋位前更與 Hana 合照留念。問到與兩位合作感覺，光 B 大讚：「Very Nice 啦佢哋，又好傾又好玩，又好照顧我！」有「廟街歌王」之稱的光B，在花絮片中更孖住容天佑合唱首本名曲《荷里活》，配搭新鮮。【花絮片段：https://www.youtube.com/watch?v=HCg_4W3tlY4
】想知道更多相關精彩資訊，敬請留意 www.tvb.com。
【延伸閱讀：逆天奇案 2︱劇中 2 大仙氣女神真身大起底！原來係訓練班班花鍾嘉欣仲係佢導師？】https://www.tvb.com/1PDWDvTu
