逆天奇案2｜69歲張雷火爆返TVB 林夏薇性感百變造型引爆話題
由劉家豪總監製、陳志江監製、岑國榮、孫浩浩擔任編審的《逆天奇案 2》，逢周一至周五晚八點半翡翠台播映。昨晚（22 日）播出一集展開新個案「賊王逃獄案」，單元主角是相隔 17 年再亮相 TVB 劇集的張雷！劇情講述服刑廿多年的賊王石少波（張雷飾），竟然在刑期最後一個月時逃獄，Nic Sir（黃智賢飾）在調回 CIB 工作的阿 Wing（林夏薇飾）協助下，發現少波藏身之所，可惜在追捕過程中發生意外，被少波成功逃脫。今晚（23 日）一集將會揭露賊王少波逃獄真相，結局更是令人意想不到，密切留意今晚播出的《逆天奇案2》。
在劇集《神鵰俠侶》飾演「金輪法王」而為人熟悉的張雷，對上一次亮相 TVB劇集已是 17 年前的《蕭十一郎》，今次相隔多年再度演出《逆天 2》，令觀眾大感驚喜。問到為何今次願意參與《逆天 2》，張雷受訪時說：「監製同編審打電話畀我同我講故仔，我聽完之後覺得幾好玩，咁咪應承拍兩集囉！」問到有否戲癮？他笑言：「其實出面一直都拍緊嘢，網劇、電影都有參與，梗係有戲癮啦，最好TVB 搵多啲我拍劇！」
分享保健之道：Keep 住做運動＋食足幾十年長齋
現年 69 歲的張雷武打演員出身，今次劇中有不少騷 Quali 場面，分別是街頭追逐和半裸舉啞鈴晒爆肌場口，不過對他來說卻是 Easy Job，張雷笑言：「呢個角色真係啱晒我，又要有啲年紀，又要有啲動作戲，又要有文戲。」張雷分享保健之道：「平時唔使開工都會 Keep 住做運動，多數喺黃昏時候做，會先跑幾公里做熱身，之後玩吓啞鈴、掌上壓、Sit Up 咁練吓體能，有時亦會打吓沙包、打吓拳、打吓功夫咁，加加埋埋都差唔多 2 個鐘。食方面我都幾清淡，因為我食咗幾十年齋㗎喇。」
昨晚一集，身為女主角的薇薇亦有亮眼演出。剛回到 CIB 工作的阿 Wing 久休復出積極投入工作，多番變裝落區「踩線」搜集情報，除了化身眼鏡娘主婦外，還以緊身上衣加熱褲上陣扮流鶯，大晒唔鹹唔淡廣東話，場面搞笑。相關造型凸顯薇薇美好身段之餘，還盡顯薇薇白滑無敵長腿及招牌黃蜂腰，少女味爆標！想知道更多相關精彩資訊，敬請留意 www.tvb.com 。
