開卷｜週日夜間文化盛宴 TVB Plus帶你閱讀世界
堪輿學家麥玲玲帶領胡美貽（Nicole）、施焯日（Arthur）主持的清談節目《玲玲友情報》，改為逢周六晚 8 點 TVB Plus（82 台）播映。今晚（27 日）一集主題為「從今開始該好好戀愛」，嘉賓為方力申。
今晚（27 日）節目嘉賓「飛魚王子」方力申（小方），外表俊俏的被認定為︰花心、多女朋友代表。玲玲師傅一開始即為好友平反，力證小方是乖仔一名，她說︰「因為你靚仔、識運動、單身無結過 3、5、7 次婚，人哋會覺得你有問題。」她形容小方男歡女愛模式，仍停留在古代︰「同佢講嗰個（女仔）幾好，你約佢出嚟食飯啦。佢都會拒絕，話驚人誤會。」小方直言目前為止，跟異性單獨約會食飯次數，不多過 5 次。小方解釋自小練習游水，細個拍拖不敢太張揚，他說︰「驚畀啲家長話你咁細個拍拖，之後就由游水即刻跳入行，又要保護形象，一拍嗰個又拍咗咁鬼死多年，根本都無時間約會其他女仔。同埋如果我唔夠鍾意一個人，係唔會開始，分手好煩、好辛苦。」
小方直言本身不是浪漫型男仕，與家族遺傳有關，從小到大都沒有見過父母手拖手出街，莫講話稍為親暱的舉動，他說︰「所以你從來無見過我放閃、唔會影到張相我喺街拖住女朋友呀。」話口未完玲玲師傅即刻叫小方要跟 Nicole 學習，擺明笑她近日傳得甚盛的放閃緋聞，躺着中槍的 Nicole 只能尷尬陪笑。另外，以推介好書為宗旨；由林溥來（Patrick Sir）夥拍何泳芍（Honey）、伍韻婷（Juliana）及涂毓麟（Oscar）主持的《開卷》，改為逢周日晚 7 點半 TVB Plus（82 台）播映。明晚（28 日）Patrick Sir 會推介小說作品《車上的女兒》，25歲的作者宇佐見鈴，藉書中女孩佳佳帶出家人之間的矛盾及親情。Juliana 對小說內容感同身受，她說︰「媽咪過咗身之後，我同弟弟、爹哋關係完全變咗，嗰時弟弟 12、13 歲覺得媽咪死係唔理佢。而家我哋感情好疏離，聚會嘅時候都好想好似一家人咁，但又唔知點開始。」
本集嘉賓為電影《出租家人》導演劉偉恒，他推介書本為 Jerry Saltz 作品《如何成為藝術家》，他引用書中所講「不要擔心是否合理，你的作品越快展露意義，人們會越快失去興趣……」Patrick Sir 乘機抽水笑指 Juliana 可以將同樣道理
套用在男女感情身上，Juliana 認同說︰「女仔係鍾意神秘感……」想知道接住她會如何反擊，密切留意明晚全新時段播出的《開卷》。想知道更多相關精彩資訊，敬請留意 www.tvb.com
