現場實況Anson Lo Edan馬拉松式‍️謝票冧fans 教主變身「佑爺」 …

賀歲片《盜月者》為答謝fans大力「十卜」，連續幾日馬拉松式謝票，場場都full house超勁！而今日嘅謝票團有袁劍偉導演、「教主」Anson Lo同埋Edan，3位喺全場fans嘅尖叫聲之下出場，「登神」揮晒手同「神徒」、「爵屎」打招呼，仲第一時間同大家拜年，係愛呀！

戲中飾演「阿佑」嘅Anson Lo搞笑呼籲大家由聽日開始稱呼佢做「佑爺」，Edan食住上笑話「你鍾意老啲？你鍾意畀人尊敬你？咁不如嗌你Lo爺好冇？」袁導亦搭嘴話「如果『佑爺』就要《盜月者2》！」呢個提議唔使問，邊個會唔舉埋腳贊成？

Edan曾承諾票房過三千萬就露「八月十五」，喺呢場謝票有fans心水清問兒登係咪準備「晒月」？兒登個取巧回應聽落有少少「縮沙」feel咁喎！而喺之後嘅分享環節，登神分別開心share對角色嘅感受，亦有神徒好奇教主「阿佑嘅歌單」添！

教主同Edan影完大合照後，sweet爆留步同fans互動、收禮物兼收利是，喺臨走之際，袁導再次使出「摸下巴殺」嚟「調戲」登神，呢啲機會小編同各位fans都想要呀！可唔可以將可唔可以將呢項加入做謝票福利？喺度預告聽日（18日）姜Admin會加入謝票團，are you ready？

訂閱 Viu1HK YouTube Channel: https://bit.ly/3lYFNLW

觀看更多精彩內容：https://www.viu.com