零失敗！跟肥媽煮十款賀年菜
煮得一手好菜的肥媽(Maria Cordero)，自從2013年為無綫主持飲食節目《搵食》後，便食住條水相繼主持《食平D》、《食平DD》以至最近的《暖DD●食平D》系列都大受歡迎！節目中雖然有位有等於冇嘅助手陸浩明，但在廿分鐘內KO三兩個餸絕對難唔到肥媽，肥媽仲將睇落好難煮嘅餸三兩下手勢就搞掂咗，小編跟足肥媽步驟都做到零失敗，今個新年係時候跟肥媽露兩手，孝敬阿爸阿媽！
泰式浸鮑魚 難度*(最難為五粒星)
材料：鮑魚6隻
香茅 30克
指天椒 5隻
檸檬葉 5片
南薑 30克
糟滷 400克
雞湯 200克
(香料類又可到超市買冬蔭功湯料代替)
先將香茅、檸檬葉、指天椒、南薑等切碎，放入鑊中抄，加入糟滷和雞湯，煮約五分鐘至出味，隔走渣滓，放涼待用。
將鮑魚灼熟，約六至八分鐘視乎大小，熟後去除內臟洗淨，在表面cut格仔紋，助吸收汁液，待鮑魚放涼，放汁內搞伴，再放雪櫃三小時或以上，食得！
下頁有黃耳黑木耳冬菇粉絲娃娃菜…
黃耳黑木耳冬菇粉絲娃娃菜 難度**
材料：
娃娃菜 300克
黃耳 50克
黑木耳 50克
冬菇 八顆
粉絲 一小包
乾蔥蓉、薑米、蒜 少許
紹興酒 少許
先將黃耳洗淨撕開、木耳和冬菇洗淨浸軟切件，粉絲浸軟。
熱鑊落乾蔥蓉、薑米、蒜蓉等炒香，落香菇、黃耳及黑木耳，灒紹興酒，落適量蠔油豉油調味，落粉絲炒熟，再落娃娃菜炒勻便成。
下頁有西式生炒糯米飯…
西式生炒糯米飯 難度***
材料：
糯米 約兩杯
煙肉、火腿、冬菇 適量切粒
炸花生 適量
雞蛋 一至兩隻
先炒香煙肉、火腿，加入已切粒鮮冬菇和草菇，炒勻灒紹興酒，盛起備用。
糯米要浸至少三小時！
雞蛋加少許生粉搞勻，以中小火煎成蛋餅，切絲備用。糯米落鑊，大火快炒至米粒略乾身，加水再炒，約加三次水，要視乎加三次水後糯米的狀態，若太濕加兩次水就夠，炒至米粒熟透再落配料炒勻，落煲仔飯豉油加色和炒勻，落埋花生、蛋絲等食得！
下頁有花膠海參煲…
花膠海參煲 難度****
材料：
薄花膠(需浸發) 約五隻
海參(需浸發) 約兩條
金華火腿 少量切粒
小棠菜 約六棵
薑 少量切絲
糖 一湯匙
上湯一小碗(清水亦可)
蠔油 兩湯匙
生粉 一湯匙
生抽 兩湯匙
老抽 一湯匙
花膠浸發方法：先以薑片及紹興酒將花膠汆水，熄火後唔開蓋焗至水變涼。
海參浸發方法：海參以薑片、紹興酒汆水，取出海參並去除腸臟，洗淨切件備用。
將鍋燒熱，爆香薑絲、金華火腿，注入適量雞湯或清水，下糖調味，加入海參和花膠，輕拌勻。再將汁料蠔油、生粉、生抽及老抽拌勻，加少許水調稀，加入鍋內拌勻，再加小棠菜煮熟便成。
下頁有韭黃火腩燴海參…
韭黃火腩燴海參 難度**
材料：
燒肉 約600克
韭黃 約100克
急凍海參(需浸發) 兩條
鮮冬菇(浸軟) 約八隻
紅椒絲 適量
薑絲 適量
蔥 適量
紹興酒 適量
海參浸發方法：海參以薑片、紹興酒汆水，取出海參並去除腸臟，洗淨切件備用。
下油後落燒肉，加入冬菇再加少許水略炒，落海參、紹興酒、蠔油、老抽調味，拌勻，再加入韭黃和紅椒絲炒勻，加少許生粉芡將汁煮濃便成。
下頁有馬拉惹味大蝦…
馬拉惹味大蝦 難度**
材料：
大蝦 約十二隻
蝦米 適量
指天椒 一隻
乾蔥蓉、蒜蓉 適量
蝦醬 一湯匙
紹興酒 少量
大蝦剪走鬚腳、去腸洗淨備用。蝦米切碎，白鑊爆香，落少少油，加入乾蔥蓉、蒜蓉、指天椒炒香，落蝦炒熟。
蝦醫加入紹興酒拌勻，蝦快熟時落鑊炒勻，完成！
下頁有金華魚肚…
金華魚肚 難度*
材料：
金華火腿 約30克
魚肚 約100克
娃娃菜 約300克
蠶豆、薑絲 適量
魚露、紹興酒 少許
魚肚浸發、金華火腿汆水。燒熱鍋，爆香薑絲，落金華火腿和蠶豆(需汆水)炒香，注入適量清水，煮滾後加入魚肚，落少許魚露和紹興酒，加入娃娃菜，菜熟後即成。
下頁有冬菇鵝掌燴鹿筋…
冬菇鵝掌燴鹿筋 難度****
材料：
鹿筋 四條
鵝掌 六隻
鮮冬菇 約八隻
乾草菇(洗淨浸軟，菇水留起備用) 約十隻
薑、乾蒽 適量
生抽 兩湯匙
老抽 一湯匙
蠔油 一湯匙
鹿筋先切成四段，泡浸一晚備用。鵝掌以薑、紹興酒汆水。落油鑊，加薑、乾蔥爆香，先加入鵝掌、已浸軟乾草菇和鹿筋煮熟，加入老抽、生抽、蠔油和草菇水，冚蓋炆約25分鐘，加入鮮冬菇再煮10分鐘便成。
下頁有杏汁白菜豬肺湯…
杏汁白菜豬肺湯 難度****
材料：
豬肺 一個
豬腱 600克
白菜 400克
陳皮 一片
南北杏 100克
薑 適量
紹興酒 適量
鹽 少量
煮豬肺湯，難度分基本上全落在處理豬肺上，要先將豬肺灌水洗至水變白色，用薑和紹興酒汆水，切件後，白鑊烘乾，期間以鑊鏟擠壓豬肺，令多餘水份排出，豬腱則汆水備用。
另外，北杏因為有微毒，不能食用太多，與南杏的比例約為十份南杏配一份北杏，謹記！
將豬肺、豬腱和陳皮加入滾水中，煲約兩小時，將南北杏以攪拌機打成杏汁，倒入湯中，再加白菜，落鹽調味便可。
下頁有黑胡椒蟹…
黑胡椒蟹 難度***
材料：
肉蟹 兩隻
黑胡椒粒(磨碎) 兩湯匙
芫荽籽(磨碎) 一湯匙
孜然粉 一湯匙
牛油 兩片
鹽 少量
芫荽籽白鑊炒香，磨碎備用。蟹洗淨切件放入鑊，加入黑胡椒、芫荽籽和孜然粉大火炒香，落鹽調味，冚蓋焗至蟹熟透，秘技是…
熟透後熄火前，加入兩片牛油炒勻，即時香氣四溢！
下頁送上滋潤甜品…
桃膠鮮百合蓮子燉鮮奶 難度**
材料：
桃膠 60克
鮮百合 兩個
蓮子 30克
冰糖 50克
鮮奶 一公升
桃膠先浸水約六至八小時，洗淨備用。
蓮子浸透、鮮百合洗淨撕成小塊。將所有材料放入燉盅，隔水燉40分鐘便可。
