呂慧儀

「蟹籽」大過天 呂慧儀 買呢樣嘢氹囝囝…

當家花旦、紅到發紫唔係人人都好,都要付出好大代價,大把志不在此又有頭家藝員都寧願拍處境劇,之唔係貪佢既有得長期曝光,又有得準時收工,收咗工咪可以買餸湊仔唔會忽略家庭樂!好似呂慧儀咁,天未黑都有時間悠悠閒閒喺將軍澳行商場,呢啲就係處境劇演員獨有福利囉!

撰文:東方新地 │ 圖片:新傳媒圖片、呂慧儀IG

呂慧儀 買呢樣嘢氹囝囝…

長腳蟹去到精品店專攻小朋友水樽,唔使問梗係買嚟畀囝囝「蟹籽」黃柏翹用嚟返學囉。

為咗揀個啱心水嘅水樽,呂慧儀摛高又踎低,仔細研究各種圖案同容量。

放工撲去買嘢畀個仔都未夠,明明唔係生日又唔係過聖誕,買完水樽都順手睇吓玩具,再買多個玩具車仔氹個仔開心,呢啲咪就係廿四孝媽媽囉!

原來唔止得個行字,長腳蟹順手又買咗架jeep仔模型車,蟹籽車仔大軍又多個收藏!

06年港姐季軍嘅呂慧儀,11年嫁畀香港先生黃文迪,14年誕下囝囝「蟹籽」黃柏翹(Anton),啱啱36歲嘅呂慧儀,早前獲《愛・回家》班家人慶祝生日,佢都帶埋蟹籽出席!

《愛回家》演員出席植樹日 呂慧儀帶蟹子植樹教環保

呂慧儀今年4月帶同兒子黃柏翹一齊到西貢出席「郊野公園遠足植樹日2018」,,她透露是兒子首度參與植樹,十分好奇,而佢覺得可以教兒子環保的重要性。長腳蟹部分時間要孭住囝囝,佢笑說:「大部分都係佢自己行,都冇扭計,最尾嗰段因為泥土有啲鬆,驚佢碌低!」問到會否讓兒子參與演出?她就謂比較困難,自己無法一面拍戲,一面照顧蟹籽,十分辛苦!

愛回家
《愛回家》演員出席植樹日 呂慧儀帶蟹子植樹教環保

湯盈盈看到呂慧儀背著兒子走山路,慶幸自己沒有帶兩個女兒來,她的她姊妹梁靖琪被拍得與年下男新歡Jon於跑馬地約會,她笑說不知情,大家各有各忙,她見過對方的一班新朋友,又讚好友愈來愈漂亮,做朋友有少許親熱舉動行正常,還未去到結婚階段,不要太衝動。