YIP

臥床兩個月唔敢抱仔 孕媽葉翠翠趕追女

踏入新一年,又一個星B排隊等出世!去年四月至為建築公司董事老公Raymond誕下囝囝周津羲(Jake),葉翠翠再次宣佈有喜,今年六月,大仔小王子就要做哥哥!婚後專注經營個人面書專頁,翠翠從藝人搖身一變成為美容兼懷孕達人,35歲懷第一胎、生完半年又已經極速追第二個,三年抱兩睇落容易,翠翠就話第一胎休息不足搞到第二胎妊娠反應極嚴重,為安胎唔敢接job,仲臥床足足兩個月。

撰文:東方新地

孕媽葉翠翠 趕追女

選擇於元旦日公佈成功陀二胎喜訊,實情翠翠同老公9月做人成功,等足三個月至敢向外公佈。據悉陀住小王子時過程舒服又順利,比起今次陀二胎完全係兩極,經常疲勞見暈甚至曾出現休克症狀,所以翠翠三個月來極度小心。去年11月翠翠陪同老公往灣仔為公司聖誕包場派對試菜,剛剛發現懷孕個幾月的翠翠全程小心翼翼,28磅肥美小王子要靠老公抱實,連陪玩都要隔住張飯桌就住玩。

葉翠翠
養到小王子同一屋貓狗個個肥肥白白雖然係好事,不過為咗陀穩第二胎,翠翠新年前兩個月都盡量臥床休息養胎。

 

葉翠翠
八個月大小王子肥肥白白又精靈,雖然冇得抱,翠翠一樣隔住張胎,全程視線跟住寶貝仔。

 

葉翠翠
去年11月剛剛發現懷孕一個月,翠翠一家出動往灣仔晚膳,平時親力親為揹住巨B,是日就唔敢抱坐都要坐對面。

 

開P試菜

原來上月中翠翠老公為公司上下七十個員公包場舉行聖誕P,所以事先一個月前上門試菜。剛剛發現懷孕,翠翠都話唔敢搏,所以28磅小王子交俾老公代勞抱出抱入,老婆三年抱兩,翠翠老公Raymond自然興奮,全程笑到見牙唔見眼。

餵足小王子六個月人奶,一停即陀第二個,翠翠話請教過中西醫,哺乳期身體會自然停止排卵,好易懷孕。

疲勞過度險休克

本刊致電翠翠,當事人亦承認第二胎的確比起上次懷孕事狀況連連:「我陀第一胎時一直好多嘢做,生完又冇足夠休息,好似冇嘢,但係再懷孕事就發覺現晒形。成日見暈,有一次仲覺得想休克,好彩個人喺屋企……我有睇醫生,話係疲勞過度血壓低,所以俾自己喺屋企抖咗兩個月、唔敢接工作,更加唔敢抱個仔,直到過咗三個月胃口同精神至慢慢精神番。」話就話唔接job,不過成功再懷孕,FB立即湧入海量訊息詢問懷孕秘技,卧床兩個月一樣冇停手:「真係有好多想懷孕或者不幸小產inbox我,佢哋的確需要幫助,可以做到我都好樂意分享資訊。呢個階段未知道係仔定女,其實仔女我都冇乜所謂,老公又冇俾壓力我。(再陀B有冇獎勵?)梗係冇啦!我生第一個都冇獎勵吖!我老公唔興呢啲,生日同紀念日唔提都一定唔會有禮物收。不過識佢第一日已經係咁,重點係只要我出到聲,佢係半夜兩點都會出去買雪糕俾我嗰種人囉!」

葉翠翠
16年開P陀緊大仔,17年聖誕又有咗,不過在家中休養安胎的翠翠都有幫手包聖誕禮物。

 

葉翠翠
10發現懷孕後,翠翠自稱零工作全力休養,直到上月尾才復出,為無綫拍攝賀年飲食節目。

 

抖足兩個月,精神同胃口都返晒嚟,所以日前翠翠扮到靚一靚在個人FP分享大肚孕照。

 

葉翠翠
一直視一屋貓狗為寶貝仔女,今次陀第二胎要卧床,除咗小王子都有貓家姐陪瞓。

高齡食療

女人要補,孕婦更加要,每餐飯都必跟益生菌、葉酸、鈣片同蟲草。翠翠話為咗補身兼補胎,翠翠每日都勤力焞補品煲湯水,以前會每日三個鐘自製雞汁,依家就日日煲湯,強力推薦有安胎補血作用的桑寄生藍棗蓮子百合茶。而身體健康唔係日日蘋果沙律咁簡單,尤其係孕婦雖要更多能量,所以臨瞓前亦都唔怕加多餐宵夜。

孕婦除咗營養夠最緊要心情輕鬆開朗,為咗tum自己開心,翠翠話最愛魚生海膽一樣可以食,不過最緊要係新鮮安全。