裙褂

女星中式婚嫁look逐個睇!裙褂、旗袍、潮褂都咁靚

昨日(10月13日) 係視帝陳展鵬迎娶單文柔結婚嘅大日子,一對新人之前除咗到英國影咗一輯婚紗相,原來返港後也請咗一間專業婚攝團隊影中式婚照,而單文柔昨日喺四季酒店出門,雖然未有穿上傳統中式裙褂出門,但也選擇穿上旗袍出門,突顯中國女性嘅美態!

其實近年嘅唔少女星在大婚之日,除了穿傳統嘅中式龍鳳裙褂,都有部分會著旗袍、潮褂、又或者高訂裙褂及秀禾服,真係各具美態,所以誰說傳統就等於老土呢?

撰文:東方新地|圖片:微博、instagram

女星中式婚嫁look逐個睇!裙褂、旗袍、潮褂都咁靚

陳展鵬、單文柔之前已經喺英國影咗一輯街頭婚紗相,原來二人再請攝影團隊幫佢哋影咗一輯中式婚照,真係好靚好合襯!

傳統裙褂

裙褂等級的高低是由金銀線刺繡的密度區分,從高至低可分為褂皇、褂后、大五福、中五福和小五福。褂皇、褂后金銀線繡得最密,見到紅色緞布較少;而大五福、中五福和小五福的金銀線繡得較疏,而紅色緞布較多,不過唔一定貴就好,最重要還是選適合自己年紀和款式!

好像胡杏兒當年結婚就穿上最頂級的「褂皇」,「褂皇」金銀線繡得最密,基乎看不到紅色緞布,從杏兒的裙褂來看繡工立體精美,加上杏兒戴上勁多金飾,顯得貴氣而隆重!

王君馨

鬼妹仔性格的王君馨,結婚時也依足中國傳統著褂,而她選擇褂皇,整套褂皇以金色龍鳳圖案為主,穿上身效果相當顯瘦!

楊千嬅

千嬅身著的褂皇,金銀線密度達99%,基本上看不到紅色,,而千嬅未有配戴金器,反而戴上金色黃色的珍珠耳環和頸鏈點綴,優雅而不俗氣,效果相當好看。

而新郎丁子高身著的也是搭配龍鳳褂男士穿的傳統馬褂,喜氣洋洋。

官恩娜

「鬼妹仔」官恩娜與法藉丈夫Juan-Domingo Maurellet結婚,在香港一間著名裙褂公司訂製了一件密地褂皇,大婚之日官恩娜穿上,真係超靚!

職業病作怪嘅我問攝影師:唔該可唔可以幫我前後左右影幾張睇吓上鏡咩嘢樣? 影相之前一定要影幾張test shoot呢 我有冇家嫂feel呀?#叫我家嫂 #冠南華

Posted by Ella Koon 官恩娜 on Monday, 27 July 2015

楊怡

楊怡所穿的褂后採用了90%的金銀線製成,金銀線刺繡細密,不過比程度略比褂皇為疏,可略為看出紅色緞布,滲出一種喜氣洋洋的紅色喜慶感而又不失貴氣。

岑麗香

香香穿上紅色的五福裙掛,顯得相當甜美可愛!

葉翠翠

葉翠翠同建築師老公周曉東(Raymond)結婚,翠翠都係揀著褂皇,襯埋戴到上手踭嘅龍鳳鈪,夠晒華麗!

image

image

image

徐若瑄

徐若瑄穿上五福裙褂,紅色緞布明顯較多。

孫燕姿

新加坡女歌手孫燕姿當年結婚在新加坡舉行婚禮,她也穿上中式五福裙褂,因為紅色的緞布較多,看上也較喜慶和精神。

李藴

年輕的李蘊穿上小五福裙褂,主要以紅色較多,較適合年輕的新娘,她還戴上鳳冠。

今日陸續收到好多朋友嘅祝福 好多謝大家!😘😘😘

Posted by 李蘊 Renee Lee on Sunday, 3 January 2016

由於籌備婚禮只有一個月,所以我都好驚無朋友得閒做我姊妹,但呢幾個好姊妹一聽到我擺酒就二話不說答應!真係好感動!😘😘😘😘

Posted by 李蘊 Renee Lee on Sunday, 3 January 2016

潮褂、旗袍、秀禾服

鍾嘉欣

不少新娘子愛穿裙褂出嫁,但想在傳統上另加新意,因此「潮褂」就應運而生。潮褂的設計雖然亦是以紅色為主,不過圖案款式及顏色的較多變,有別於傳統的龍鳳圖案。而在褂上亦可以加上水晶、珍珠作為裝飾,多添現代元素。

鍾嘉欣這件潮褂使用了彩色的繡線繡龍鳳及花朵,領及袖口使用了大量皺褶,令衣服更有立體感。

Angelababy

除了傳統裙褂外,近年還興起一類中式結婚服飾-秀禾服,其特點是上衣為立領或圓領、對襟或右衽大襟襖褂,下服馬面裙,寬大的雙層袖口也是其特點,Angelababy大婚的中式裙出自郭培之手。

陳妍希

陳妍希着上著名設計師郭培打造的裙褂,有指製作工時高達1880小時,並冇用上中國傳統的大紅,反而係以橙色綉金為主,衫身設計得相對地鬆身,而下身就係一條淨色百摺長裙,據知製造時間近三個月!

相中見到陳曉用鼻尖輕掂新娘子額尖,非常溫馨!

至於陳曉瑞獸紫金袍,以龍紋刺繡和麒麟送子,象徵吉祥富貴,霸氣十足!

Posted by 陳妍希 Michelle on Saturday, 23 July 2016

林心如

2016年7月霍建華、林心如在峇里島舉行婚禮,在上午的婚禮儀式中,心如選擇一件大紅色喜氣十足的中式禮服,這套簡直集中西元素於一身,立領設計加上傘形裙尾,再添上一些富有中國特色的圖案,下搭Ferragamo Creation復刻系列Sophia鏤空喱士雕花高跟鞋!

張文采

有「新聞之花」之稱33歲嘅張文采上星期出嫁,同細佢兩年任職消防員嘅老公盧樂輝結婚,張文采以一身紅色旗袍代替傳統裙褂出門,見佢戴咗一條簡潔嘅金頸鏈及一對龍鳳鈪,高貴又優雅。

(左起)馬秀荃、李朗怡、張文采,另(右起)姚雋彥與盤翠瑩
而一班昔日嘅無綫新聞主播好似李朗怡、盤翠瑩、馬秀荃都有份擔任姊妹團,而姚雋彥都仲反串埋做姊妹,就知佢哋都幾好感情啦!

見好友升呢做人妻,姚雋彥送上祝福喺社交平台留言話:「聽過你太多心事 但已經不再重要,眼見你要做新娘,做蜜友的真想撒嬌。」

雖然張文采就未有上載新相於社交網,但就已經急不待換咗頭像,見佢低頭情深款走咁望住個花球,就知道佢幾咁幸福啦!