wong fi

阿仔讀書有壓力?黃浩然:會去公園放電減壓

黃浩然、陳凱琳、朱晨麗、沈卓盈、劉江、譚凱琪、阮兆祥等日前出席無綫新劇《平安谷之詭谷傳說》的宣傳活動,一班藝員分成男子組和女子組玩遊戲,而劉江就擔任現場評,當要選擇那一組勝利時候,朱晨麗就在現場向劉江撒嬌,最後劉江也受不了朱晨麗嗲功而判女子組勝利,佢話因為喺劇中劉江係飾演佢老公,但現實中一定唔會咁。而男主角黃浩然接受本刊訪問,談到兒子入讀書的壓力,佢話閒時會帶一對寶貝仔去公園「放電」,四處跑係最佳嘅減壓方法!
撰文:東方新地

圖片:新傳媒圖片庫

朱晨麗 黃浩然 宣傳新劇

問到朱晨麗在台上不斷向劉江撒嬌,佢話「係啊!不過係喺劇中係咁,因為喺劇入面比較受劉江嘅寵愛,但現實生活梗係冇,因為自己喺現實中比較似男生多啲。」而這部劇集也是女性主義比較重一點,問到會否是注重男女平等,朱晨麗也表示現在的社會是男女平等,現在也多了很多女強人出現。問到佢係咪都係女強人,佢回應話自己係好鍾意做嘢嘅,但女強人都係有溫柔嘅一面。

黃浩然
黃浩然、陳凱琳、朱晨麗、沈卓盈、劉江、譚凱琪、阮兆祥等日前出席無綫新劇《平安谷之詭谷傳說》的宣傳活動!


同工作談戀愛

當然大家都好關心佢嘅戀情問題,朱晨麗話依家只是同工作談戀愛,農曆新年將至,家中的父母都從來都唔會催促自己帶男朋友回家,都唔問佢幾時拍拖,因為呢啲都係好睇緣份!

黃浩然陪兒子學習是大學問

至於同劇男主角黃浩然,係人都知佢係照家嘅好男人,最近佢大仔Kayden入讀傳統名校華仁小學,浩然話呢方面唔會多回應,佢喺2018年只係好希望家中兩個囝囝開開心心,而自己都希望可以陪佢哋學習,因為陪佢哋一齊學習,開心之餘都係一種大學問,而作為父親的他每日都在學習。

讀書有壓力 公園放電最佳

講到今年9月,大仔Kayden入讀傳統名校華仁小學,不過由於幼稚園就讀出名是Happy School的靈糧堂幼稚園,K3才揸筆寫字,而黃浩然沒有幫兒子在外補習,所以升小一後難以習慣每日排山倒海的功課及測驗,開學後不久Kayden曾因為功課壓力而大喊,黃浩然與太太KaKa即從旁協助,令兒子逐漸適應小學生活。
呢日談到喺香港讀書壓力問題,黃浩然話佢會帶兩個囝囝去公園放電、跑吓咁,等佢哋玩得盡興就冇事,自己試過好多方法,但暫時呢個方法係最好。工作好忙碌嘅佢都唔係將照顧家庭嘅負任全交畀老婆,佢話好彩最近有一個假期可以陪伴囝囝,多一啲時間陪佢哋都會令父子感情增加。

黃浩然
3年前一場大病,令黃浩然醒覺家人比工作更重要,最近唔使拍劇,不時一家四口出巡,大手拖小手,好溫馨。

 

黃浩然
黃浩然與Kaka雖然工作各有各忙,但一家四口每逢生日或任何喜慶節日都會一齊慶祝,夫婦二人以身教讓兒子知道,家人永遠是最重要的。

 

黃浩然
兒子上興趣班,黃浩然雖有工人姐姐,但都堅持親自送子上學!

親自湊仔返放學

加入無綫多年一直搏殺拍劇的黃浩然,14年患上罕見的「貝賽特氏症」要停工養病一年,康復後他不再盲目衝刺,選擇一切以家庭為重,為了有健康的身體照顧太太莫家嘉(KaKa)及兩個可愛的兒子(6歲Kayden及4歲Ransley),黃浩然放棄演藝事業上的鬥爭﹐享受慢活。黃浩然對住囝囝是個溫文的絕世好爸,陪讀書陪遊戲,軟硬兼施親力親為湊仔。今年9月大仔Kayden在傳統名校華仁升讀小學,黃浩然更刻意減產,負起培訓兒子重任,而早前被刊影到佢更親自湊大仔返放學。