TVB上位小花真身 江嘉敏初熟水著曝光
撰文：東方新地
圖片：新傳媒圖片庫
江嘉敏 初熟水著曝光
江嘉敏拜去年《親親我好媽》純情學生妹形象所賜，成為新一代氣質女神，火速在網絡走紅，獲讚又pure又true，不過宅男女神真面目其實並不純情。在新劇《兄弟》升呢做女一，江嘉敏同男主角王浩信有唔少對手戲，最近就有工作人員爆料，指江嘉敏拍劇期間如同發電廠，逢佬必電。
色誘張繼聰
在《誇世代》江嘉敏同張繼聰搞「大叔戀」，二人一場切磋武技戲份，背心拋胸的江嘉敏，胸壓張繼聰不特止，還用腳將男方夾到實一實，睇到班宅男熱血沸騰。
嗲爆王浩信食飯跟到實
據知情者透露:「套劇拍咗差唔多三個月，Kaman第一次做女一，佢同王浩信有好多對手戲，Kaman成日黐住Vincent(王浩信)，話搵對方研究劇本，叫Vincent教佢做戲，姣到出晒面，放食飯又跟到實，不過，Vincent因為同蔡思貝單緋聞搞到咁大，為保顧家暖男形象，唔想再生事端，對佢都好避忌。」日前江嘉敏同王浩信在TVB西餐廳拍攝新劇《兄弟》，戲裡戲外江嘉敏都好主動，拍完一個shot，就表情多多不停撩人夫王浩信傾偈。另一日外景，江嘉敏亦一有機會就撩男方傾偈，反而王浩信表現避忌。
電crew佬
除咗姣人夫，江嘉敏其實亦非常識撈，嗲功又了得，成功冧掂一班幕後。一名工作人員透露:「咪睇Kaman外表咁純情，佢好識得嗲人，除咗識得冧監製，更加冧到班Camera man、打燈佬、PA暈陀陀，大家都對佢特別照顧，出道咁短日子就咁襟撈，真係叻女嚟!」
17歲拍私影
中學讀嘉諾撒聖心書院，江嘉敏自小發明星夢，17歲已瘋狂拍私影同接拍微電影，她曾經自爆讀書時期，因做Model被同學排斥，更曾因此想過自殺。她曾大吐苦水:「當時覺得好多人都唔鍾意自己，壓力好大，有諗過死咗算!慶幸身邊有幾個朋友安慰我，先打消呢個念頭!」不過，原來這只是宣傳伎倆，之後反被舊同學踢爆她講大話，指同學間根本冇人排擠佢，但相信最令班宅男心碎，還是江嘉敏同歌手曹震豪16年拍《循序漸進》MV時撻著，為保清純女神寶座，玩地下情扮單身，純情只是流於表面！
激罕晒身材
近年忙於拍劇的Kaman，成為2017年Google人氣搜尋女藝人，其實佢曾跟《新假期》出過不少Trip，除了去文青feel嘅日本和台灣，仲去過馬爾代夫，大晒噴血身材呀！
常見問題
將來還有什麼演唱會值得留意？
有不少歌手宣布舉辦演唱會，例如：韋禮安、張學友、李克勤、林宥嘉、方皓玟、西九音樂節、五月天、Twins、鄭秀文、鄭欣宜、許冠傑；喜歡K-pop的你亦有福了，Apink、NCT DREAM亦在香港開演唱會！小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
香港有甚麼週末好去處推介？
2023年好戲多籮籮，小編為你整合2023電影推薦及3-6月香港電影上映表，無論是港產片、Marvel、卡通片都應有盡有，更附上必睇劇情和彩蛋介紹！除此之外，更可以參觀博物館，例如太空館、科學館、香港藝術館、M+、香港文化博物館等，更為你整合行山路線、野餐地點、絕對是假日消遣的必然之選！
