吉野家

吉野家下午茶份量太少? 網民開post鬧爆

香港地搵食艱難,百物騰貴,唔少打工仔都會揀下午茶時段食飯,貪佢平啲嘛!不過正所謂一分錢一分貨,份量少就預咗㗎啦。最近有網友喺連鎖店吉野家食下午茶,叫咗個雞扒烏冬,不過佢就嫌份量得勁少,大家又覺得合唔合理呢?

原文:環球膠報|圖片:網上圖片

吉野家下午茶份量太少?

樓主喺討論區開post,稱自己喺吉野家叫咗個30蚊的雞扒烏冬下午茶,見到個烏冬賣相都ok啦,有麻醬烏冬有粟米有紫菜,不過主菜得三細舊雞,好似少咗啲?佢就嬲爆留言話「我隻貓都唔夠肉啦」、「斬唔斬得落手,得3舊」。

樓主仲好有心咁計埋究竟呢個餐可以賺幾多,「鳥冬成本1-2蚊,蛋1-2蚊,可樂0.1蚊,3舊雞2蚊」,仲話「賺到盡,整臭自己公司」。有網友話「10蚊一舊(雞)」好貴,仲有眼利的網友留意到啲雞好似…唔係太熟!

不過都有唔少人認為樓主小題大做,「嫌三嫌四咪去茶記囉,下午茶加埋凍飲都40啦」。