KOL

33歲辭職學人做KOL 網民:「咁嘅樣做呢行會窮」

依家所謂KOL(Key Opinion Leader)一街都係,唔少人拍段片影張相擺上網就話自己係KOL,唔通個個都真係KOL咩?今次呢位35歲嘅Meddierz,辭職想專心要做KOL,不過好似唔多紅喎!網友毫不留情咁話,以佢副尊容做KOL實窮都似…

原文:環球膠報|圖片:網上圖片

35歲Meddierz 辭職做KOL

35歲Meddierz,兩年前辭職諗住做KOL,想透過教人護膚想吸引多啲followers,目標係半年內粉絲過萬!但Meddierz玩咗社交媒體大半年,都只係得750個fans。

Meddierz喺訪問中話「咁當然有人like會更加開心啦,冇可能成個album都冇人like或者followers,咁都幾sad吓,要檢討下自己,點解擺咁多張相一個人都唔like吓佢。」

有網友話覺得佢個樣唔似35歲(應該唔係話佢後生),仲要咁老先學人做KOL,留言「佢咁嘅樣做呢行會窮!」倒不如都係正正經經搵返份工賺錢好過啦!

不過Meddierz最近就喺IG發咗段聲明,話自己唔係做網紅,唔係靠fans嚟賺錢,指電視節目內容失實。有唔少朋友留言力撐佢!

不過唔好以為做KOL咁易做,以為好易紅就搵到好多錢,分分鐘未紅已經負債累累,到時喊都冇用。美國邁阿密一名公關卡爾韋羅為咗做KOL,每日着新衫影相,去埋晒啲高級餐廳食嘢影啲呃like相,諗住吸引多啲followers,點知都未紅就已經一身債。

26歲嘅卡爾韋羅2013年已負債7.8萬港元,但佢都未放棄過做KOL嘅夢想,仲要每月花1,560港元買靚衫、7,800港元買名牌手袋同飾物,仲要每月去拉斯維加斯、巴哈馬同洛杉磯「打卡」當度假。不過負債累累嘅佢終於夢醒,最後選擇腳踏實地生活。

讀者留言