古天樂

《尋秦記》後再同古天樂合作 宣萱:默契喺番晒度!

最新娛聞

廣告

由爾冬陞監製,馮志強執導,古天樂、張繼聰姜皓文、宣萱、顏卓靈、凌文龍、薛凱琪、吳肇軒、安志杰、李燦琛、吳浩康劉心悠等主演的本地香港懸疑電影《犯罪現場》,經過約3個月的拍攝,日前於凌晨時份終於煞科,甚淺飲酒的宣萱(Jessica)在現場氣氛高下,與眾演員乾杯,結果半醉下完成全組最後一場戲⋯⋯

撰文:東方新地 | 圖片:Instagram、新傳媒圖片、影片截圖

宣萱01年《尋秦記》後 再同古天樂合作

自2001年《尋秦記》後,古天樂宣萱都呢對銀幕情侶都一直未有合作,直至早前宣萱簽約同屬古仔的經理人公司,兩位終於可以再度埋位。近日佢哋主演嘅《犯罪現場》煞科,一班演員齊齊開香檳慶祝!

之後 二人再在劇集《寵物情緣》、《刑事偵緝檔案IV》再合作!

煞科當晚,一眾有份參演的演員如姜皓文、麥長青及陳國邦等都漏夜到現場開香檳湊熱鬧,支持導演及本土製作。監製爾冬陞更拿著酒杯,帶頭「吹喇叭」,跟大家飲勝!

當晚幾位有份煞青的老人家見到古仔、宣萱都非常興奮,連忙找導演幫忙揸機影靚相,古仔、宣萱這對活寶貝哄得老人家非常開心,合照、selfie 做到足!麥包也不放過機會,與幾位演員合照留念。

開香檳慶祝後,全組最後煞青的宣萱即埋位演出最後一場戲,向來酒量淺的Jessica「 酒後」開工,反而有意外驚喜,且笑說:「初初飲酒我都冇事,後來古仔走埋嚟再倒多大半杯比我,同我乾杯就出事啦,個人開始傻笑!點知反而拍出嚟效果好好,因為場戲講我視力有問題,飲咗酒對眼有啲focus唔到,完全有嗰個感覺,導演仲話早知我哋每次飲少少酒先拍啦!」

Jessica多年後再次與古仔合作,兩人默契依舊:「初初開工都有點擔心,古仔喺現場好認真,拍多兩日之後,發現古仔依然係古仔,有咩事都有傾有講,所以所有嘢都好舒服好順利!」

至於首次跟Jessica合作的導演馮志強拍完最後一場戲則說:「我喺TVB 三年都冇同Jessica合作過,今次終於有機會合作!」齊齊為香港電影並肩作戰。

佘詩曼離巢後不斷喺內地掘金

點止今期流行啊!勁勤力嘅古仔古天樂除咗一直密密拍戲之外,近年嚟都一直致力發展緊公司「天高娛樂」嘅業務,最近更簽下兩屆視后佘詩曼,進一步擴大娛樂王國嘅版圖!阿佘自離開TVB後,一直發展都唔錯,喺內地劇集《延禧攻略》都有亮眼表現,今次加盟後更獲優厚待遇!但其實古仔旗下唔單止有阿佘,仲有唔少實力派嘅藝人㗎,一齊嚟睇吓啦!
佘詩曼貴為前TVB當紅花旦,又係兩屆視后,美貌、人氣同演技都具備,所以就算離開大台後,發展都不俗~最近阿佘較主力於內地掘金,又自組工作室,密密接拍內地劇集同電影,更參與多個真人騷,廣告邀約又繼續源源不絕,吸金力不容忽視!

而最近阿佘有份參演嘅內地清宮劇《延禧攻略》喺中港台爆紅,首播幾天流量就已突破三億,收視報捷,網民仲激讚佘詩曼演技出色,將奸妃一角演得淋漓盡致!

佘詩曼原來係相隔13年再度回歸清裝劇,但美貌Keep得好好,一樣都係咁靚!

古仔都叫佘詩曼做「一姐」

早前,古仔被問到點睇阿佘加盟佢旗下嘅經理人公司,古仔就話覺得佢好有潛力,仲叫佢做電視台一姐添啊!怪唔得之阿佘加盟之後待遇咁優厚,有成3位金牌經理人強勢聯手,包括Ronnie、Leo及同阿佘合作多年嘅陳欣健女兒陳早茵, 就係為咗全方位咁打造佢,可以俾阿佘多方面發展!

據悉古仔打算為阿佘度身訂造一套電影,為佢喺電影圈打響名堂,仲有份投資阿佘參演嘅古裝網劇添!

《刑事偵緝檔案IV》首次合作 多年後再合演電影

二人早年同屬無綫時,合作作品僅有《刑事偵緝檔案IV》,但都只有同場並無對手戲。近來兩人先因為電影拍攝而有合作,有指去年拍攝《常在你左右》時,工作上十分有默契嘅古仔同阿佘已經傾緊合作,到依家成功簽約!

2015年《衝上雲霄》演情侶

古天樂飾演帥氣非凡嘅航空公司老闆,而余詩曼則飾演機倉服務員,二人扮演一對情侶,拍攝時都十分有默契啊!

2016年《使徒行者》再合作演激情戲

除咗佘詩曼之外天高娛樂仲有⋯⋯

「天高娛樂」其實都唔係第一次簽下無綫嘅前當紅小生花旦㗎啦!旗下仲有唔少其他實力非凡嘅藝人,有啲仲勇奪過香港金像獎添!首先,有同古仔喺《刑事偵緝檔案IV》入面有感情戲嘅宣萱!

宣萱:

佢哋兩個都Keep得超好!

適逢劇集重播,古天樂仲上傳同宣萱嘅合照添!

林峯:

其實《尋秦記》都有宣萱,咁齊人不如拍番套續集?

姜皓文(黑仔):

黑仔姜皓文喺2018年憑《拆彈專家》取得第37屆香港電影金像獎最佳男配角,最近亦有參演電影《犯罪現場》。

凌文龍(小龍):

凌文龍亦喺2018年憑《黃金花》第37屆香港電影金像獎最佳男主角提名及最佳新演員獎,都有份參演新戲《犯罪現場》。

真係估唔到「天高娛樂」咁人才濟濟,更有指未來會有更多當紅藝人加盟,相信古仔嘅娛樂王國將會不斷擴展喇!

延伸閱讀:

【延禧攻略】原班人馬開新劇!《皓鑭傳》邊個冇得留低?

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!