宣萱

合體拍劇 古天樂瞓身撐宣萱

最新娛聞

廣告

去年憑電視劇《不懂撒嬌的女人》,在TVB馬來西亞星光薈萃頒獎禮封后的宣萱,演技民望高企,是今年台慶頒獎禮視后頂頭大熱,贏面遠遠拋離一眾對手。離開無綫五年,去年重返娘家拍了兩套大熱劇集,宣萱人氣再次急升,由於工作應接不暇,去年她就同昔日合作無間的古天樂續緣,加盟古仔旗下的經理人公司,原來古天樂為撐好拍檔,同TVB尚欠一套劇集的他,被宣萱游說再合體拍劇,現在只等一個好劇本,視迷有福了!

撰文:東方新地

圖片:新傳媒圖片庫

古天樂 瞓身撐宣萱

三年前開始自由身接工作的宣萱,近日就因劇集爆紅工作排山倒 海,去年被古天樂打動,加盟旗下經理人公司。據宣萱好友透露:「Jessica (宣萱)要求高,近年佢寧願自己傾工作,覺得各方面都易控制啲,不過,自從兩套劇爆紅,啲工作多到接唔晒,靠佢一個人安排處理,會好吃力同混亂,咁啱再遇番古仔(古天樂),以前佢兩個合作過幾套劇,大家好有默契好friend,不過近年甚少聯絡,古仔最令Jessica放心,係一開始大家冇簽約,古仔仲將自己經理人Ronnie親自照顧Jessica,而且佢哋一早識,等Jessica覺得合作舒服先至簽約,咁優厚條件,Jessica冇推嘅理由。」 古仔近年在電影圈多多搞作,有傳秘密簽林峯,並落實今年開拍令人期待已久的《尋秦記》電影版,而且亦被宣萱打動回巢拍劇,知情者爆:「古仔一直欠TVB一套劇,宣萱游說佢孖住拍劇,古仔都心郁!」

富貴進駐港島南

收入水漲船高,原來宣萱亦秘密搬家,由西貢區進駐名人豪宅地段港島南區。據知情者透露:「因為養狗關係,Jessica一路都鍾情西貢區嘅村屋,可以方便放狗,不過最近佢搬咗去港島南區,貪嗰度空氣好環境幽靜,其實佢紅咗咁耐,一路都有投資物業,可以話係小富婆,最近樓市暢旺,佢都有密密睇樓!始終覺得揸磚頭最實際!」宣萱性格硬朗,平日就愛獨來獨往, 雖然47歲仍然單身,但她卻唔心急拍拖,覺得一切講緣份,更表明如果同對方唔夾,寧願一個人生活。近日搬入港島南區名人地段,不過宣萱生活仍相當平實,早前就見她一個人去買麵包蛋糕,然後揸車回家。

生活樸實

近日搬入港島南區名人地段,不過宣萱生活仍相當平實,早前就見她一個人去買麵包蛋糕,然後揸車回家。

頒獎禮大熱 大馬拎視后

11年幫無綫拍罷《飛虎》,宣萱就離巢外闖,直至去年獲無綫副總經理杜之克親自邀請,才再次回歸,接拍同林文龍合作的《不懂撒嬌的女人》,Mall姐一角更贏盡民心,之後再同陳豪、三哥(苗僑偉)合作《使徒行者2》,一樣大獲好評,兩個劇更成為今年台慶頒獎禮大熱,宣萱更是觀眾心目中視后不二之選。據知情者透露:「Mall姐個角色真係入晒屋,好多觀眾都撐宣萱做視后,反而佢自己就平常心,始終呢個獎佢以前都攞過,何況佢喺TVB十八年,拍紅過唔少角色,經歷過好多次頒獎禮,佢好明白攞獎要配合 天時地利人和因素,所以佢唔會用獎去界定成敗,攞到佢就當係鼓勵,佢覺得角色得到認同先最重要!」

好多監製搵 落實拍《使徒3》

回巢兩套劇都大受歡迎,無綫亦火速斟宣萱再合作,不過,對工作要求高兼有原則,宣萱本來對拍劇集續集都有點抗拒,然而,今次卻被打動答應再 拍《使徒行者》第三輯。據知情者透露:「Jessica(宣萱)一路都好抗拒拍續集,佢覺得好角色要見好就收,除非有新元素加入,以前拍《戇夫成龍》,套劇大受歡迎,最初佢都唔肯再拍續集,直至開拍時裝版《阿旺新傳》,佢先考慮。雖然依家有好多監製搵佢,但佢要睇劇本同拍檔,本身佢接劇已經好謹慎,上年返TVB,兩套都咁爆,佢更加好小心揀,佢已經講明唔會再做Mall姐,因為覺得整套劇已經係最圓滿咁結束,反而《使徒行者》嘅劇種係查案式,有啲似以前《壹號皇庭》、《刑事偵緝檔案》咁,佢覺得再拍落去亦合情合理,加上係原班人馬再合作,佢先答應再拍!」

三個高峰

47歲宣萱,自93年參與無綫首套劇集《千歲情人》開始,在無綫18年,拍紅過唔少角色,更加有過多個事業高峰期。

97年《難兄難弟》爆紅

同吳鎮宇、羅嘉良、張可頤合作《難兄難弟》,劇集大爆,宣萱演邵芳芳一角,更加深入民心,而當時更傳出同劇中另 一女主角張可頤不和。

99年《刑事lV 》封視后

宣萱憑《刑事偵緝檔案》首奪視后,同古天樂亦因此成為最合拍熒幕情侶,同期還合演《寵物情緣》。之後二人再合拍《尋秦記》,屢創佳績。

02年《戇夫成龍》攀高峯

同郭晉安合作《戇夫成龍》再次爆紅登上事業高峰,「老婆仔老婆仔」更加成為一家大細當時的口頭 禪,兩年後二人再拍時裝版《阿旺夫新傳》。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!