食雞

「食雞」機友食到出事 老婆嬲爆返外家

熱話

廣告

各大機友們,相信你哋一般打機打開啲團體遊戲時,都一定唔少得同朋友們一齊開番個群組,以方便隨時開戰或討論戰略。但點改個群組名其實都好重要,正所謂「最怕改壞名」,一個唔覺意改個名令人有誤會,隨時嚴重到連個家都冇埋!唔信?大家可以一齊睇下以下呢位機友嘅下場如何啦~

撰文:東方新地|圖片:888 LAB / 打機888、PUBG Twitter

食雞食雞 其實係咩

最近小編成日聽到身邊朋友話「食雞」,三句唔埋兩句就講「食雞」,相信打開機嘅朋友就算冇玩過,都應該會聽過隻叫《PLAYERUNKNOWN’S BATTLEGROUNDS(PUBG,絕地求生)》嘅「大逃殺」遊戲,而「食雞」一詞就正正係關呢隻Game事。

在《PUBG》遊戲內,只要每場遊戲內順利獲得第1名和最後生還的玩家,就會看到「Winner Winner ,Chicken Dinner」的字樣出現,所以而家唔少玩家會以「食雞」去形容正在玩《PUBG》、或打機中獲得第一名。

「食雞」機友食到出事

日前網上流傳一張whatsapp嘅群組圖,個群組名叫做「食雞團」,應該都係一班打機朋友啦?點知有位機友於群組中喊冤表示,佢老婆見到個群組名嬲到爆,以為佢走去「叫雞」,入埋啲嫖客群組分享包膠,所以嬲到返外家… 睇到咁,小編都唔爭氣笑咗出嚟,但同時覺得呢位機友確係幾陰功,今鋪佢真係要絕地求生啦~

關鍵詞
老婆