鄭秀文

鄭秀文生日宴 許志安避同杜Sir同場而冇影

安心偷食」已經過咗三個幾月,咬緊牙關捱過人生低谷的Sammi鄭秀文,日前順利完成十三場個唱,獲得高度評價,辛苦完終於可以放長假休息,已經原諒老公的她,上周四(8月 1日)下午同老公許志安結伴飛英國,夫妻感情雨過天晴 ;不過,得Sammi大方原諒的安仔,始終還未敢面對Sammi恩師,曾經話過若他對唔住 Sammi,會斬他××十碌的杜琪峯,連續兩晚出席8月壽星Sammi生日宴,有杜Sir就冇安仔,睇嚟安仔要再獲得Sammi好友及大眾信任,唔係單講一句反省「重新面對自己」咁簡單,還要用時間和行動徹底證明,真係要好自為之!