中年好聲音2｜ 100強盲選形式爭晉級60強名額

吸引逾 5,000名參賽者報名的《中年好聲音2》，除了本地薑雲集，更有來自悉尼、台北、澳門、紐約、新加坡、吉隆坡、柬埔寨、巴塞爾、馬六甲及三藩市的唱得之 人爭相報名。經過多輪嚴格挑選，共有 108 名精英踏上《中年好聲音2》舞台，首個回合參賽者需透過「盲選」形式爭取60個晉級名額，滿分為五燈。

中年好聲音2｜60強入圍名單（剩餘位置：39個）

重溫：中年好聲音2 ｜精華｜60強競爭更加激烈

中年好聲音2｜108強名單：

中年好聲音2 ｜盤點10位猛料參賽者

中年好聲音2 108強名單｜1. 劉威煌回巢參加海選 （未出場）

憑《超級巨星1》入行嘅劉威煌於2014年正式離巢TVB，今日竟然回巢參加海選，唱側田《情歌》。雖然劉威煌都表現得幾有台風，不過可能太緊張，唱到甩曬嘴。劉威煌唱完都解釋指：「好緊張，堅緊張，雖然已經距離上次有一段好長嘅時間，但對住評判都係好緊張。」

中年好聲音2 108強名單｜2. 黃劍文曾參加《全民造星III》（4燈晉級60強）

40歲黃劍文曾參加《全民造星III》，他表示為了迎戰特別做多咗運動，希望可以以最佳狀態上陣，他又指之前參加歌唱比賽，全部都好緊張影響發揮，希望今次可以放鬆心情去享受呢個舞台。

中年好聲音2 108強名單｜3. 鄧兆榮 – 鄧兆尊細佬眼濕濕謝父母（獲2燈淘汰）

鄧兆尊細佬鄧兆榮以譚詠麟《孩兒》參賽，雖然唱得好有感情，但就被張佳添嫌唔夠氣。鄧兆榮一出場就被問到為何參加比賽，鄧兆榮就表示：「因為想起早幾年媽媽過身，想有機會有幸可以喺舞台上獻呢首歌俾父親同母親。」之後仲眼濕濕咁多謝父母：「希望有機會感激父母，因為到中年有好多感受同回憶，希望有機會鼓勵嚇自己兩個仔，要對父母感恩。」

自爆冇可能會贏

對於係鄧兆尊細佬呢個身份，被問能否承受到輿論壓力？鄧兆榮指自己成五十幾歲人，人生經驗都經歷好多，亦看得開不會介意太多事，只要做好自己就得。至於被追問鄧兆尊有否說贏了會獎勵他？鄧兆尊坦言冇可能會贏啦，都係做好自己就得。

中年好聲音2 108強名單｜4. 姚安娜又唱又跳被批老土 （獲1燈淘汰）

由藝人轉做塔羅師的姚安娜近年移居台中，琴日先喺台灣回港參賽。今次姚安娜以張國榮嘅《戀愛交叉》參賽，又跳又唱獲評判們大讚有心思，不過網民就狠批姚安娜歌喉同舞蹈都太老土。

中年好聲音2 108強名單｜5. 戚黛黛港姐季軍出身 曾晉級新秀決賽（獲1燈淘汰）

今年41歲的戚黛黛於今日海選中唱出陳曉東的《心有獨鐘》，不過就被伍仲衡狠批有懶音將「國語」講成「角語」。戚黛黛於2003年勇奪香港小姐季軍，不過原來在選港姐前曾參加過1998年的全球華人新秀歌唱大賽，當時更成功躋身8強，非常厲害！

中年好聲音2 108強名單｜6. 孫美賢 （1燈淘汰） – 孫耀威妹妹 稱哥哥搞到自己冇得出道（獲1燈淘汰）

孫耀威妹妹孫美賢Miranda Suen特意喺瑞士飛到香港參加《中年好聲音2》海選，挑戰高難度選唱孫燕姿《天黑黑》。Miranda表示自己自細已經好鐘意唱歌，但因為哥哥做咗歌星，所以自己冇機會唱歌。哥哥孫耀威今次亦知道自己參加比賽，哥哥一開始問：「你有份工做緊，點參加？」直到她買了機票，哥哥就叫她抱着平常心參賽，肥媽笑言：「叫哥哥幫你練歌，呢個免費㗎！」

中年好聲音2 108強名單｜7.「光頭仔」王嘉明有歌手夢（未出場）

曾經在經典電影《最佳拍檔》中跟麥嘉拍住上的「光頭仔」王嘉明，原來都係唱得之人！一直有個歌手夢，他在海選時獻唱張學友的《愛是永恆》，亦成功順利晉級。

中年好聲音2 108強名單｜8.ViuTV前主持羅沛琪（Pinky）（未出場）

現年37歲的ViuTV前主持羅沛琪（Pinky）一出場即刻惹來網民熱議，Pinky直言自己好鐘意唱歌，但入行後就一直對自己唱歌無信心，睇完《中年好聲音》之後先激勵到自己再挑戰唱歌。Pinky以衛蘭《霎眼嬌》參加海選，睇嚟一班評判都好滿意Pinky嘅表現，畀佢唱曬全首歌！

中年好聲音2 108強名單｜9.新秀冠軍梁浩賢獲網民大讚超班（未出場）

今年42歲的梁浩賢為2000年《新秀歌唱比賽》冠軍，今次以自己作品《含蓄》參賽，有睇直播嘅網民都大讚梁浩賢表現超班，不過肥媽就不太認同，仲叫梁浩賢要張開口唱歌。梁浩賢表示自唱片公司倒閉，多年來都浮浮沉沉，近年更轉行少有唱歌，直至去年見到TVB舉行《中年好聲音》先再鼓起勇氣參賽。

中年好聲音2 108強名單｜10.《超級巨星1》陳鴻碩脹爆再參賽 （4燈晉級60強）

曾經參加過TVB《超級巨星1》嘅陳鴻碩，今日脹爆現身海選現場，大唱張敬軒《只是太愛你》。陳鴻碩今日嘅表現深得評判歡心，更獲肥媽等人大讚。不過網民就話陳鴻碩發福不少，差啲唔認得佢，仲笑指陳鴻碩係「中年好發福」。