帶挈處男歐遊 鄧麗欣厚禮冧王子

愛情來的時候,擋都擋唔住,不過係收收埋埋定公開放閃,就仲有得揀!
將滿35歲的Stephy鄧麗欣入行以來兩段情最為人熟悉,不過就截然不同兩種態度,對舊愛方力申被迫低 調處理、拖拖拉拉足足十年,遇上新歡王子邱勝翊竟 然180度轉變,相戀三個月已經極速認愛、拉隊遊 泰、過埋七夕,仲飛到去巴黎時裝周情侶檔睇騷兼腳 出po放閃光彈。據悉愛到發燒的Stephy,為冧王子 不停送厚禮外,更幫口引薦工作畀男友,唔介意情侶 檔賺錢,令入行12年、臨近30歲的王子終於升呢有得踏足歐洲大地!

撰文:東方新地 圖片:StephyIG、 王子IG

帶挈處男歐遊 鄧麗欣厚禮冧王子

今時今日,一個鐘機程往返台灣香港又算得係咩異地戀?有 心又夠癡纏,就可以好似 Stephy 同王子呢對一樣,幾忙都實攝到 位會一會。雖然脫離方力申後演技戲路大躍進,戲接戲檔期排到 密麻麻,Stephy 一樣有能耐製造機會同王子見面,8 月中,王子飛到香港陪過七夕,之後 Stephy 被傳媒 影到人肉速遞上王子寓所;到九月踏進巴黎時裝 周,一樣無阻牛郎織女飛去歐洲拍番一個星期拖!

姐姐帶挈升呢

出道18年,Stephy形象正面,尤其近年戲路 擴闊更被提名金像影后,所以一向深受各大時裝品牌喜愛,年年巴黎、米蘭時裝節一定被奉為上 賓受邀到當地睇騷參與活動。據知情人士透露,今年撞正公布新戀情,亦都一手促成新歡掹車邊有得去歐洲睇 埋一份:「 王子知名度喺台灣同內地雖然唔錯,但係始終拍劇都 係偶像劇、台客本土味濃,除咗當地年青品牌,真係未試過同咩國際大牌有合作。今年被 Stephy 認愛 真係幫咗佢人氣唔少,而且 Stephy成日會買禮物畀王子,又幫手出吓主意轉吓形象洗甩陣台客除,今次有得 去 法 國 都 係Stephy提 議 同 幫 手 拉 攏,身邊朋友都覺得今次 Stephy 拍拖完全唔同以前咁內向,專登放閃似係 想幫王子一把!」王子靠女友升呢, Stephy 重拾戀愛感覺,各取所需,難怪一拍即合。

首度七夕

雖然相差五年又分隔異地,不過 Stephy對呢份情 明顯投入大量心神與時 間,戲接戲一樣可以成日 見,今年 8月更於七夕當天共度放閃。

讚完靚仔讚可愛

去巴黎順度拍拖,王子不停晒「女友視角」畫面,還將雞尾酒誤當水果茶,Stephy留言讚完王子「帥哥」,再讚男友「可愛」,想閃盲人對眼咩?

衝出亞洲好風騷

綜藝節目男團出身的王子出道 12年活 動範圍都只限於東南亞及中國內 地,今年初一搭上Stephy即時知名度 大增,29歲仔亦因此首次踏足歐洲。

17歲出道,王子一頭招牌「棒棒堂」頭娘味濃,棒棒堂熱潮過後事業亦停滯不前,近日終於因為新戀情有突破。

狂晒名牌

衝出歐洲的王子,在IG不停晒名牌上身,Chok到爆!

同遊凱旋門

Stephy為陪首次歐遊的王子,化身自由行 去凱旋門觀光,再各自po相上IG。

豪遊三地

身為時裝周常客,Stephy早於上月起飛展開歐洲三國之旅,風騷放上機場起行照時,王子亦第一時間按讚。

 

睇騷遇上韓國女團「少女時代」前成員鄭秀妍(Jessica),王子即上前集郵。

延伸閱讀:

吳嘉龍被女家嫌冇車冇樓?吳耀漢 寸爆親家拜金

揭《大帥哥》變倉底貨死因 張衞健蝕住回巢 淪為炮灰

讀者留言