中年好聲音2

中年好聲音2 16強名單|顏米羔劉可安雅希人氣最高(持續更新)

最新娛聞

廣告

中年好聲音2 16強名單|TVB選秀節目《中年好聲音2》在2023年除夕夜12月31日晚已完成第七部曲:《十八強故事之歌 年終淘汰賽!》,最終誕生16強選手,而今周已踏入2024年,於1月7日即將展開14強之戰!節目繼續由車婉婉擔任主持,肥媽、伍仲衡、張佳添、周國豐、陳慧嫻擔任評審。

《中年好聲音2》 16強名單

劉威煌 (43歲)|職業:製作公司的負責人
黃劍文 (40歲)|職業:自由工作者
古淖文 (35歲)|職業:澳門藝人及司儀
沈宗賢 (41歲)|職業:吉隆坡髮形師
陳俞霏 (35歲)|職業:音樂搬運工
譚輝智 (38歲)|職業:廣告設計
劉可 (36歲)|職業:自由工作者
朱博文 (39歲)|職業:財富管理經理
陳蒨葶 (37歲)|職業:物業代理
梁浩賢 (42歲)|職業:金融業
顏米羔 (42歲)|職業:電影導演
安雅希 晉級 MVP (36歲)|職業:英文主播
陳燕娜 (35歲)|職業:營業副總監

王玥 (36歲)|職業:全職媽媽
林若盈 (35歲)|職業:歌唱導師
鄭梓浩 (54歲)|職業:營養品直銷商

中年好聲音2|16強名單:盤點10位猛料參賽者

中年好聲音2 16強名單|1. 安雅希 晉級 MVP (36歲)|職業:英文主播

安雅希成功hold住情緒,穩定發揮獻唱《給自己的歌》,再次刷新節目最高分紀錄,獲得95分,嘉賓評審張家誠更派出本季首個20分滿分。安雅希坦言歌曲送給父母,佢哽咽指年幼時爸爸、媽媽忙於工作,無法經常陪伴:「嗰個年代媽媽有請外籍老師教我英文,但嗰時係小朋友唔理解,覺得(爸媽)點解成日唔喺度,直到讀大學時自己打兩份工,先體驗到爸爸、媽媽原來係好唔容易,但當我理解咗之後,爸爸就生病,好想話畀大家聽一定要珍惜,可能等到你諗通想孝順時,已經冇機會喇…」哭成淚人嘅佢向到場支持嘅媽媽感謝又送上飛吻,場面感人。安雅希更多謝亡父遺傳好聲線,喺受訪時講起離世嘅爸爸,依然難掩悲傷哽咽。

中年好聲音2 16強名單|2. 顏米羔 (42歲)|職業:電影導演

愈唱愈強的顏米羔獻唱《時代曲》,他說:「第一次聽呢首歌係放學睇《都市閒情》,聽到之後覺得,點解機會人人有,但我冇呢?」米羔獻唱完畢後,婉婉說:「其實佢 2 日前失咗聲,佢喺社交平台問我有冇神醫幫佢醫番好把聲!」周國豐說:「好鍾意你演繹呢首歌嘅態度,呢首歌係講個大時代嘅小人物,其實係有啲憤怒,你失咗聲之後都唱成咁,值得鼓勵。」伍仲衡則說:「我想講一樣嘢,你成日都好爆,有爆炸力冇問題,但唔識收,你今日識收,係咪因為病病哋?你病病地有着數喎!」

中年好聲音2 16強名單|3. 劉可 (36歲)|職業:自由工作者

大魔王劉可嘅表現就令人大跌眼鏡,僅獲78分、同鄭梓浩齊齊跌落危險區。獻唱《一千個傷心的理由》嘅劉可,對於不太「平安」嘅平安夜,依然淡定面對: 「其實入黑房可以有多啲時間沉澱,要沉思點解今次會衰。」到底他最終能否逃出生天?密切留意周日晚播出的《中年好聲音 2》。

中年好聲音2 16強名單|4. 劉威煌 (43歲) 曾參加《巨星1》

憑《超級巨星1》入行嘅劉威煌於2014年正式離巢TVB,久未露面的他回巢參加《中年好聲音2》,參賽以來表現可算突出。

中年好聲音2 姚安娜 中年好聲音2 劉威煌回巣參加海選,不過就唱到甩曬嘴。
劉威煌回巢參加海選,不過就唱到甩曬嘴。(圖片來源:《中年好聲音2》截圖)
中年好聲音2 姚安娜 中年好聲音2 當年劉威煌同許廷鏗參加同一屆《超級巨星》。
當年劉威煌同許廷鏗參加同一屆《超級巨星》。(圖片來源:TVB

中年好聲音2 16強名單|5. 黃劍文(40歲)曾參加《全民造星III》

40歲黃劍文曾參加《全民造星III》,他表示為了迎戰特別做多咗運動,希望可以以最佳狀態上陣,他又指之前參加歌唱比賽,全部都好緊張影響發揮,希望今次可以放鬆心情去享受呢個舞台。

相關文章:中年好聲音2 |40歲黃劍文入行逾十年從未放棄音樂夢 參賽曾被罵「反骨」

黃劍文在之前的比賽中表現相對平穩,而他早幾集挑戰了女歌手王菲的男聲曲目《給自己的情書》。評審周國豐表示:「你喺Chorus方面嘅處理,我係戥你辛苦,好似同音樂玩緊追逐遊戲咁。」張佳添則說:「三拍歌其實好少咁用力去唱,結果你(演出)同編曲係兩件事,你係一個好有音樂感、音色好靚好入咪、好識唱歌嘅一個人,以上全部都係讚,但係唯一最大問題你係用錯演繹方法。」,「奄尖魔人」伍仲衡聽完劍文的演出後更搖晒頭!

中年好聲音2 黃劍文 黃劍文在之前的比賽中表現相對平穩
黃劍文在之前的比賽中表現相對平穩(圖片來源:TVB

黃劍文參加《中年2》被罵「反骨」

《中年好聲音2》猛將雲集,黃劍文屢戰屢敗,並不害怕被網民批評。有些人支持他,但也有一些負面的評論,他被冠以「反骨」、「還在追夢」等標籤。他深有感觸地表示,在網上有千幾個留言,大部分是支持他,但也有一些人抨擊我參加《中年2》。事實上,我參加過許多比賽,包括TVB第一屆《超級巨星》。因為不聽話,在慶功時喝到聲沙,最終只進入了30強就止步了。

中年好聲音2 黃劍文 他深有感觸地表示,在網上有千幾個留言,大部分是支持他,但也有一些人抨擊我參加《中年2》。
他深有感觸地表示,在網上有千幾個留言,大部分是支持他,但也有一些人抨擊我參加《中年2》。(圖片來源:IG@kimmanw)

中年好聲音2 16強|6.陳燕娜(35歲)

35歲的陳燕娜選唱林憶蓮原唱嘅《傷痕》,雖然係高難度嘅歌曲,但佢喺歌聲中對媽媽同丈夫投入嘅感情及唱功深得評審認可。而前幾集陳燕娜曾以白色單邊露膊裝上陣的她獻唱天后彭羚的 《小玩意》,她解釋唱這首歌的原因:「過去都係唱慘情歌,成日苦口苦面,今次 想挑戰自己唱得 Sweet 少少同埋開心啲。」燕娜甜美的演出,最終獲得 85 分佳 績,是昨晚獲得最高分的選手,張佳添大讚:「要讚你嘅氣息,呢首歌最大挑戰 係要用好靚嘅氣唱好長嘅句子,第二個挑戰係要有好靚嘅頭聲,只要一唔靚成件 事就會冧檔,我覺得好 Enjoy。」李蕙敏Amanda 則說:「呢啲歌要用陰力,你係用到 嘅,我好開心好欣賞,同埋玩真假音要不斷練習,你都算係高水準!」

延伸閱讀:35歲陳燕娜單邊露膊裝唱《小玩意》張佳添大讚我覺得好 Enjoy

中年好聲音2 24強 獻唱《小玩意》嘅陳燕娜拎到 85 分,係尋晚嗰集最高分一位。
獻唱《小玩意》嘅陳燕娜拎到 85 分,係尋晚嗰集最高分一位。(圖片來源:TVB

中年好聲音2 16強名單|7. 陳俞霏 (35歲)|職業:音樂搬運工

上一集「故事之歌」的18強回合繼續淚水泛濫,以 All Black 造型亮相的陳俞霏獻唱《沒結果》,她坦言這首歌是她人生的寫照,她哭着說:「好細個爸爸就過咗身,媽咪一個人獨力湊大我,好多單親家庭嘅孩子都會明白,佢哋(父母)唔係好識愛,但佢會畀到好多物質上嘅嘢我,同埋選擇咗道路畀我行,其實講到底我都係想你接我返一次學,只係想一家人一齊食一餐飯,我咁多年嚟冇同屋企人過個一次生日,好多嘢都係批評之下度過,無論點做都冇用,所以我覺得人生係好失敗。」人生閱歷豐富的肥媽聞言後語重心長說:「你覺得冇同屋企人食過一餐生日飯係好慘嘅事,你係錯嘅,你家人錫唔錫你佢永遠都係家人,同埋我哋嗰代讀得幾多書啫,其實你哋依家大個咗,應該知道我哋嗰代做嘢都好辛苦,我哋係用把口嚟教,我六年班都未畢業,點教我啲小朋友,咪日日鬧囉,但係出嚟都 OK,我哋唔識教呀,唔代表我哋唔愛你,你知唔知呀?」

中年好聲音2 16強名單|8. 譚輝智 (38歲)|職業:廣告設計

第七回合,《十八強故事之歌 年終淘汰戰》18強選手挑選自己嘅「生命之歌」,唱出自己嘅人生故事,最終得分最低嘅兩位將被淘汰!譚輝智選唱李克勤原唱嘅《深深深》,佢用呢首歌唱出昔日留學生活嘅孤獨感,紮實唱功甚至令評審對呢首歌改觀。

中年好聲音2 16強名單|9. 沈宗賢 (41歲)|職業:吉隆坡髮形師

來自馬來西亞的沈宗賢獻唱《曲終人散》,他坦言上一段戀情對他傷害很深,他說:「佢係我好喜歡嘅一個女仔,佢為咗我同屋企人嘈交甚至反面,我當時係以唱歌維生,收入唔穩定,依家諗番起係辜負佢好多,分手嗰刻係好絕望,佢要出埠做嘢,但我嗰時仲喺度考慮,唔想放棄音樂,到我掙扎咗成年之後,有一日夜晚,佢同我講不如分開啦,當時我已經辭咗職放棄唱歌,但佢話已經太遲,叫我唔使放棄、繼續追尋我嘅夢想。」感性的宗賢獻唱前先來一個獨白:「可能這輩子我們注定只可做朋友,是我沒用,去找你的幸福吧。」唱到尾聲更忍不住爆喊,張家誠說:「我覺得你個人幾浪漫,好勇敢地唱番自己嘅故事,好 Touch 到我,覺得咁嘅男人幾浪漫,應該幾多女仔鍾意。」婉婉即踢爆宗賢分手後未有再拍拖,張家誠笑言:「吓,咁呢啲唔係浪漫,係傻仔,唔好意思!」伍仲衡搞笑踩多腳:「我真係要送你兩個字,戇居。」張佳添更笑言:「我真係無言,成個森林喺出面,我單身咗 8 年,但我永不孤單!」場面搞笑。

中年好聲音2 16強名單|10. 梁浩賢 (42歲) 2000年新秀冠軍

今年42歲的梁浩賢為2000年《新秀歌唱比賽》冠軍,今次以自己作品《含蓄》參賽,有睇直播嘅網民都大讚梁浩賢表現超班,不過肥媽就不太認同,仲叫梁浩賢要張開口唱歌。梁浩賢表示自唱片公司倒閉,多年來都浮浮沉沉,近年更轉行少有唱歌,直至去年見到TVB舉行《中年好聲音》先再鼓起勇氣參賽。

中年好聲音2 姚安娜 《中年好聲音2》晉級參賽者大合照。
《中年好聲音2》晉級參賽者大合照。(圖片來源:TVB)
中年好聲音2 姚安娜 重點關注有 左起)王嘉明、陳鴻碩、劉威煌、黃劍文、鄧兆尊胞弟鄧兆榮、羅沛琪、姚安娜及戚黛黛。
重點關注有 (左起)王嘉明、陳鴻碩、劉威煌、黃劍文、鄧兆尊胞弟鄧兆榮、羅沛琪、姚安娜及戚黛黛。(圖片來源:TVB)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

圖片來源:《中年好聲音2》截圖、TVB、IG@naomifky、IG@hungkitalex