奇亞籽

岑麗香靠奇亞籽減走微胖!減肥食譜+運動減肥法大公開

岑麗香昨晚在社交平台宣布陀B,網民都好戥佢開心,紛紛送上祝福。睇番香香剛入行時,曾經是微胖女,後來婚前瘦身成功,原來她的減肥秘技中, 奇亞籽功勞甚大呢!現在就來參考她的減肥食譜及運動減肥法。

text: Francesca | photo: Instagram(原文刊登於 《Sunday More》


由微胖至索爆新娘

雖然香香公主入行後愈來愈瘦,但面上始終有點 baby fat,笑起來肉肉的,令包包面成為她的標誌。但是,原來香香一直都注重瘦身,在家經常研發不同的減肥菜譜,又 keep 住恆常運動,難怪結婚時能極速變 V面啦!

奇亞籽

奇亞籽
結婚時能極速變 V面!(圖: [email protected]

相關文章:缺席台慶頒奬禮 凸肚岑麗香 返加國報喜

香香減肥至愛奇亞籽

香香曾公開過,奇亞籽是她的減肥好幫手 ,每天吃下最少一杯奇亞籽,就是她輕鬆減磅的秘密。而且健康又飽肚呢!

奇亞籽
圖: [email protected]

奇亞籽
圖: [email protected]

減肥助手奇亞籽

奇亞籽是鼠尾草的種子,屬薄荷葉家族的一員,近年被稱為超級食物,它的碳水化合物量不高,但其含有必需脂肪酸,有助降低膽固醇。而且奇亞籽含有豐富營養和極高纖維,高纖維及低升糖指數。 它含有人體必需的8種胺基酸,當中包括能抗肥胖和燃燒脂肪的胺基酸。跟一般堅果類食物一樣,它也含有非常豐富的Omege-3脂肪酸,有助降低膽固醇,對預防血管病及血壓有幫助。更甚的是它不含糖分,但有很多水溶性纖維,吸水膨脹後每100克有34.4克纖維,進食飽肚又冇負擔。


必學5個 奇亞籽 減肥食譜

奇亞籽 有很多吃法,因為它沒有任何味道,經常會被放入不同材料中一併食用,如牛奶、水果、麥片等等。

01|加入豆漿 / 脫脂奶當「西米」食

可放入豆漿 / 脫脂奶浸約三十分鐘即成 ,當呈現西米的效果便可進食。

02|加入穀麥當早餐

吃麥片時也可以加入兩湯匙約15g的奇亞籽,奇異籽遇水分會膨脹12倍,故此加進穀麥一起吃已經非常飽肚!


03|加入蔬果滿足一天營養需求

營養師建議成人每天宜攝取約18 至30克纖維,最好每天也進食兩份水果及三份蔬菜。奇亞籽吸水膨脹後每100克有34.4克纖維,加入水果和蔬菜吃用,就能滿足一天的營養需要!


04|加入乳酪當甜品吃

平日吃乳酪當甜品時,不妨加入奇亞籽!乳酪有效整理腸胃,配合奇亞籽能抗肥胖和燃燒脂肪,能幫助通便、改善便秘,更可減走肚腩!


05|加入水樽隨身攜帶飲用

每天帶水樽上班工作,放入奇亞籽,遇水後就會膨脹,更容易飲用!

除了奇亞籽還有牛油果!

香香經常在社交網絡上分享 減肥餐單 ,不論早午餐或下午茶,她的餐單裡幾乎都包括牛油果!

牛油果是一種高纖維水果,比一般蔬果纖維含量高,吃後容易有飽肚感,幫助腸胃消化和穩定血糖。除此之外,牛油果含有豐富的鉀、維他命C等,營養價值豐富。每日進食牛油果,其含有的植物固醇,更可以幫助我們降低體內的膽固醇。

奇亞籽
圖: [email protected]

奇亞籽
圖: [email protected]

香香 30分鐘 運動減肥法

雖然飲食健康均衡是 減肥 的致勝之道,不過 減肥 還是要靠勤做運動去燃燒卡路里,香香平日堅持要持續做30分鐘運動。

為甚麼運動一定要做至少30分鐘? 因為前10分鐘主要是消耗醣類,第10分鐘才開始燃燒脂肪,20分鐘後才能燃燒50%的脂肪。所以運動就必須持續做30分鐘。

奇亞籽
如果運動6小時後,即使停止運動,也能繼續燃燒脂肪,才可以達到減肥效果呢!(圖: [email protected]

奇亞籽
圖: [email protected]

怕做劇烈運動會吃不消的話,其實香香也會做較簡單的按摩滾筒(Foam Roller)鬆弛運動,大家也可以一試呢!

奇亞籽
圖: [email protected]

延伸閱讀:

缺席台慶頒奬禮 凸肚岑麗香 返加國報喜

娛樂圈喜事連連,今年結婚生仔特別旺場,「處女黨」成員就頻傳喜訊,繼鍾嘉欣九月再添丁,苟芸慧上月同男友陸漢洋拉埋天窗,今個月李亞男B女亦會出世,「處女黨」旺到爆,結婚兩年的岑麗香,日前肚凸凸孕味濃現身活動,更謂:「適當時候會公布!」原來已經造人成功,今晚香香在社交平台宣布陀B嘅喜訊。開始停工休息的香香,日前就由老公強強陪實返教會,再直落撐枱腳,強強全程拖到實呵護備至,緊張傍實。香香預告缺席16號的台慶頒獎禮,原來因為返加拿大同家人報喜兼過聖誕!


 

撰文:東方新地 圖片:新傳媒圖片、岑麗香IG

孕味岑麗香 話有玄機

婚後已放風全力造人的香香,周日(12月2日)以低胸連身裙出席公開活動,身形圓潤不少,上圍更明顯升Cup兼肚凸凸,雖然仲貪靚著三吋高踭鞋,但上台時助手就緊張以雙手扶到實,孕味極濃的香香被問到是否有好消息公布﹐還似有暗示說:「適當時候會同大家講,畀少少時間我,努力中。」之後還表示依家朋友唔會催佢快啲生,而係直接問佢幾時生,講到咁白,唔通真係因中國傳統慣例未滿三個月怕BB小器唔講得住!

岑麗香
岑麗香星期日(12月2日) 出席活動時,身穿性感低胸短裙及三吋高跟鞋現身,看起來比之前圓潤了不少,面圓圓又肚凸凸,孕味濃喎!不過當時香香就話:「適當嘅時候會同大家講,畀少少時間我,努力中。」

岑麗香
周日( 12月 2日),香香以透視連身裙出席活動,圓潤不少的她連上圍亦升Cup,孕味濃同以前纖瘦身形明顯有別。

岑麗香
被問到想生仔定女,香香就話到時先算,無論仔定女都係一個祝福。另外又透露唔會出席今年無綫台慶頒獎禮,因為當日係結婚周年紀念。

香香公主 榮升香香媽媽

不過事隔幾日,大家已經可以講聲恭喜香香公主!事關今晚岑麗香就喺IG上載與老公強強的溫馨合照,宣布自己懷孕,並留言「B-a-b-y coming 2019!」,喜迎豬年BB!恭喜香香!

恭喜香香!

講明生B就停工

一度計劃約滿無綫後,隨老公強強返加拿大,最終被好姊妹李亞男老公王祖藍誠意打動,七月簽約祖藍同邵氏合組的「手工藝創作」旗下,但香香一早已同祖藍講明,有B就會停工。據知情者透露:「香香知道老公好恨做老竇,所以一約滿,佢都唔打算續約,一心諗住陪老公返加拿大休息努力造人,但後尾同祖藍傾開,對方好有誠意遷就佢,可能因為好姊妹亞男同佢一樣,都係因為想生小朋友,變得冇晒野心,所以大家會好明白對方,祖藍畀好大自由度佢接嘢,話最緊要係佢做得舒服同開心,所以就算有咗佢都冇壓力!」

愛妻號強強甘為老婆移居香港,近月減產的香香,亦不時做跟得夫人陪金融才俊老公飛外地工作,香香話今個月一齊出埠度假。原來強強已為老婆準備驚喜,安排月中夏威夷之旅,香香興𡚒透露:「之前我有講過想去,依家可以去到嘞!老公有呢啲安排,都開心嘅!」遊完夏威夷,強強還會陪老婆返加拿大家鄉過聖誕,據知順道向家人報喜!


精壯強強陪實

日前,香香同老公強強恩愛出巡,拍住拖一齊返教會,全程十指緊扣行街sweet到爆。


返完教會,香香強強同一位男教友企街商量去邊度食飯。

生B大過天

嫁得好老公,香香連事業野心都冇埋,今年有《果欄中的江湖大嫂》入圍競逐《萬千星輝頒獎典禮》「最佳女主角」,不過,香香已預告唔會出席16號的頒獎禮:「咁啱嗰日撞咗結婚周年﹐老公話會有驚喜畀我!」據知情者透露:「香香想盡快生B,之前拍劇整親條腰﹐佢都好緊張睇脊醫治療,為咗養好身體,明知依家無綫花旦凋零,係發圍最好時機,又一直獲公司重用,但香香唔想工作太辛苦同太大壓力,之前已經推咗《BB來了》同《解決師》兩個劇,寧願留多啲時間陪老公同調理好身體,生BB緊要過一切!」


無心戀戰

婚後積極造人的香香,已經再冇野心爭獎,即使今年有 《果欄中的江湖大嫂》 入圍角逐 「最佳女主角」 ,亦預告唔會出席16號的台慶頒獎禮。

望老公甜笑

已經進入放假狀態,香香日前就同老公拍拖出巡,輕鬆咗幾個月,明顯圓潤不少的香香,當日就完全素顏打扮樸素,同老公強強均著上藍色T恤襯到絕,對香香愛錫有加的強強,全程同老婆十指緊扣甜蜜滿瀉,兩人邊行邊傾,香香更心情極靚笑唔停,兩人返完教會,便同一位男性友人去附近吃印度餐,只見香香同強強並排而坐,強強就不停夾餸畀老婆,十分體貼,就算同朋友傾緊偈,香香亦不時望住老公甜笑,恩愛得羨煞旁人。


熱戀一樣

雖然結婚兩年,香香同強強仲似足熱戀,食飯期間,強強體貼夾餸畀老婆,香香就不時望強強甜笑,幸福爆燈!


細心開定門

男友人似乎同香香非常熟絡,同香香一直傾唔停,三人吃完飯,強強率先行出食肆,開定門畀老婆,夠細心又有風度,果然係好老公!

熱情教友

臨走前,男友人更攬完香香再攬強強,好似有喜事要恭喜二人一樣。


緊張傍實

行去攞車時突然下大雨,錫老婆錫到燶的強強,見雨勢開始大,即衝去先開車門照顧老婆上車先,然後自己先行去司機位上車。


沾旺氣

「處女黨」喜事重重,上月苟芸慧出嫁,九月再做人母的鍾嘉欣未能返港出席婚禮,岑麗香、王君馨以及大肚的李亞男,都有份擔任姊妹團,拍照時香香更摸住好姊妹個肚沾旺氣。

處女變人妻

11月17日剛度過 34歲生日的香香,亦有提早同一班「處女黨」姊妹慶生,眨吓眼,「處女黨」都成幸福人妻,唔知香香下個生日前,會唔會升呢做人母呢!?


忽然圓潤

形象健康的香香,一直是廣告商寵兒,即使做咗ready生B!

 


岑麗香於2009年贏得了溫哥華華裔小姐冠軍,之後在2010年回港選華姐奪得冠軍,燦爛甜美的笑容已成個人標記,加入無綫後人氣有增無減。香香真摯不造作的個性,仲有半咸淡廣東話時常鬧出笑話,人前人後都係咁nice,真係好難令人討厭佢!


岑麗香 2016年嫁強強

岑麗香的笑容甜美燦爛,因《巴不得媽媽…》香乃馨一角關係,讓觀眾對她的印象非常深刻,更被冠上「香香公主」名號。2015年被揭露她與金融才俊Joshua(強強)拍拖,之後在16年兩人在溫哥華結婚,過著幸福快樂的生活。

香香與金融才俊Joshua(強強)16年完婚

處女黨, 苟芸慧, 結婚, 退黨, 美女, 人妻,
強強為了香香從溫哥華搬來香港定居


岑麗香老公強強本來在溫哥華從事高薪金融工作,為了遷就老婆香香的演藝事業,決定來港定居,如此貼心的老公,香香真的是嫁對人啦!


月前宣布離開TVB

不過33歲的岑麗香今年6月宣布唔續約TVB,隨即有報道指佢係離巢係為咗返回加拿大生BB,香香亦在社交網站寫下長篇感言,答謝多位無綫的台前幕後人員,唔少觀眾都大呼可惜!

之前播出的《果欄中的江湖大嫂》,成為香香離巢前的最後作品。

呢個「眼鏡娘」造型都係令人難忘!

成王祖藍旗下藝人

香香7月份簽約成為王祖藍公司旗下藝人,問到酬勞同合約年期,佢話唔講得!至於未來工作方向,會拍劇還是內地綜藝節目?香香說:「都鍾意拍劇 。同時都想試唔同 ,返內地要做好多功課,學7年廣東話,學少少普通話都唔怕 。」


延伸閱讀:

網民:「對眼就嚟黐埋一齊喇!」 人妻岑麗香驚變獨眼巨人

愈大愈靚嘅「香香公主」岑麗香離開大台之後,都係養尊處價為主,得閒出下活動拍下廣告搵快錢,唔洗再喺大台捱更抵夜拍劇,就自然容光煥發啦!香香靚就係靚咗,不過好似靚得古惑咗喎!最近就有連登巴打話:「驚嚇!岑麗香對眼就嚟黐埋一齊!」香香嘅五官疑似又發生咗微妙嘅變化⋯⋯

一直盛傳香香對眼係有做「開眼頭」,連登巴打就發現佢兩眼之間嘅距離好似愈來愈窄。

岑麗香, 香香, TVB, 眼


大家不妨睇下佢嘅近照,度一度兩眼之間條gap⋯⋯

岑麗香, 香香, TVB, 眼
岑麗香, 香香, TVB, 眼


對電眼愈來愈迷人喎!


岑麗香, 香香, TVB, 眼


香香喺今個月17號渡過34歲生日,唔知佢嘅生日願望係咪愈大愈靚?



回帶睇返佢8年前選華姐嘅樣貎。

連登巴打點睇?



連登仔成日都恥笑As One成員Shin眼距闊到可以擺多對眼,今次佢哋就叫Shin分幾cm俾香香喎!



香香高中時代嘅相又俾人回帶。

岑麗香離奇走樣

去年「香香公主」岑麗香、莊思敏、莊思明、莊思華、陳庭欣等藝人到沙田馬場出席活動,莊思明活動後喺IG貼咗張同香香、莊思敏嘅合照,仲留言寫上「甜甜的香香公主」,但睇真啲香香個樣又膠又怪,面容扭曲仲有啲,認真離奇!

岑麗香
平日嘅岑麗香甜美又可愛,但呢張合照膠味好濃,唔講仲以為係宮雪花呀!

岑麗香
不過另一張合照,香香又正常番!

睇番岑麗香當日嘅相,再比較下同莊思明嘅合照,明顯冇咁膠而且自然得多,之不過香香公主瘦咗好多喎,睇吓膊頭同鎖骨,真係好骨感!其實當日係岑麗香同老公強強結婚一周年紀念日,工作完畢後即要飛往加拿大與丈夫會合慶祝,她稱因時差關係,飛到當地仍是結婚紀念日,笑言彷彿穿越時空。



莊思明申冤:我冇P圖

唔少網友睇到張合照,都問莊思明係咪P圖,搞到企中間嘅都岑麗香走樣,不過莊思明就澄清其實張相係家姐莊思敏影,佢用咗無他App美顏相機影,佢冇P過圖喎!

睇呢張相嘅左下角,莊思明係用咗WATA CAM!


 

以前包包面

岑麗香係2010年國際中華小姐冠軍,其實睇番啲舊相,香香剛出道時有啲baby fat,包包面而且手腳都啲少少肉地,而近年佢都愈嚟愈靚,仲愈來愈瘦㖭!


岑麗香
呢張相都係同莊思明、莊思敏合照,但香香冇離奇走樣囉!

雖然岑麗香以前有baby fat,但其實唔少網友都話香香公主有啲肉哋先至可愛,仲話佢依家太瘦,紛紛鼓勵佢增肥㖭!